លោកនាយឧត្តមសេនីយ៍ Phan Van Giang ធ្វើជាអធិបតីក្នុងគណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម

នៅក្នុងកិច្ចប្រជុំនេះ តំណាងស្ថាប័ន និងអង្គភាពចំណុះអគ្គស្នងការដ្ឋាននយោបាយបានរាយការណ៍អំពីការកែសម្រួលផែនការលម្អិតនៃសារមន្ទីរប្រវត្តិសាស្ត្រយោធាវៀតណាម ដំណាក់កាលទី២ ដោយផ្តោតលើការរចនាកន្លែងតាំងពិព័រណ៍នៅទីវាល និងសមិទ្ធិផលបន្ទាប់បន្សំដើម្បីបម្រើដល់ការទទួលភ្ញៀវទេសចរមកកាន់សារមន្ទីរ។ បន្ទាប់មក តំណាងស្ថាប័នមុខងារចំណុះអគ្គសេនាធិការដ្ឋានបានរាយការណ៍អំពីផែនការកំណត់តំបន់មុខងារ និងប្លង់ទូទៅនៃទេសភាពស្ថាបត្យកម្មនៃបណ្តាបន្ទាយនៃបញ្ជាការដ្ឋានភាគខាងត្បូងនៃក្រសួងការពារប្រទេស។

ទិដ្ឋភាពនៃកិច្ចប្រជុំ

បន្ទាប់ពីបានស្តាប់របាយការណ៍របស់តំណាងស្ថាប័ន និងអង្គភាពនានា បន្ទាប់ពីបានយល់ស្របនឹងមតិរបស់ប្រតិភូដែលចូលរួមក្នុងសន្និសីទ ក្នុងនាមគណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម លោកនាយឧត្តមសេនីយ៍ Phan Van Giang បានថ្លែងសុន្ទរកថាសន្និដ្ឋានលើខ្លឹមសារទាំងនេះ។

ដូច្នេះ ទាក់ទងនឹងការកែសម្រួលផែនការលម្អិតនៃសារមន្ទីរប្រវត្តិសាស្ត្រយោធាវៀតណាម គណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម បានស្នើសុំឱ្យគ្រប់ស្ថាប័ន និងអង្គភាពពាក់ព័ន្ធនានាក្នុងដំណើរការសាងសង់ និងកែសម្រួលផែនការលម្អិតត្រូវតែបន្តពិគ្រោះយោបល់ជាមួយអ្នកជំនាញដ៏មានកិត្យានុភាពក្នុងវិស័យប្រវត្តិសាស្ត្រ ស្ថាបត្យកម្ម និងចម្លាក់ ព្រមទាំងរៀនសូត្រពីបទពិសោធន៍ គំរូ និងវិធីសាស្រ្តនៃសារមន្ទីរប្រវត្តិសាស្ត្រយោធាសំខាន់ៗនៅក្នុងប្រទេសមួយចំនួនជុំវិញពិភពលោក ជាពិសេសប្រទេសដែលមានសារមន្ទីរល្បីៗ។

ទាក់ទងនឹងផែនការកំណត់តំបន់មុខងារ និងប្លង់ទូទៅនៃលំហទេសភាពស្ថាបត្យកម្មនៃបញ្ជាការដ្ឋានភាគខាងត្បូងនៃក្រសួងការពារប្រទេស ដោយផ្អែកលើការឯកភាពគ្នារបស់គណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម លោកនាយឧត្តមសេនីយ៍ Phan Van Giang បានស្នើសុំឱ្យស្ថាប័នពាក់ព័ន្ធសិក្សាដោយប្រុងប្រយ័ត្នអំពីលក្ខណៈ និងរូបរាងនៃប្លង់ដីដើម្បីរៀបចំរៀបចំសំណង់នៅលើដីនោះឱ្យបានសមស្រប ធានាបាននូវការប្រើប្រាស់ដីដែលត្រូវបានអនុញ្ញាតប្រកបដោយប្រសិទ្ធភាព។

បន្ថែមពីលើរាល់ខ្លឹមសារខាងលើ នៅក្នុងកិច្ចប្រជុំ គណៈអចិន្ត្រៃយ៍នៃគណៈកម្មាធិការបក្សយោធាមជ្ឈិមបានផ្តល់យោបល់លើខ្លឹមសារមួយចំនួន និងអនុវត្តខ្លឹមសារសំខាន់ៗផ្សេងទៀតទាក់ទងនឹងការងារបុគ្គលិក៕

បកប្រែដោយ Minh Trung