កងទ័ពការពារព្រំដែនទីក្រុង Da Nang ប្រគល់អំណោយចំនួន ២០០០ កញ្ចប់ ជូនដល់ប្រជាជននៅតំបន់ដែលរងគ្រោះដោយទឹកជំនន់

អង្គភាពបានប្រគល់អំណោយចំនួន ២០០០ កញ្ចប់ ដែលមានតម្លៃ ៤០០ លានដុងរួមមាន៖ សម្លៀកបំពាក់ ទឹកសុទ្ធ សាច់កំប៉ុង នំប៉័ង អាហារស្ងួត ទឹកដោះគោ ថ្នាំពេទ្យ... ជូនដល់ប្រជាជននៅតំបន់ដែលរងគ្រោះដោយទឹកជំនន់នៅសង្កាត់ Hoi An Dong,  Dien Ban Tay, An Thang និងតំបន់ជិតខាង។

កងទ័ព​ការពារ​ព្រំដែន និង​កងកម្លាំង​ដទៃទៀត​ជម្លៀស​មនុស្ស​ចាស់​ចេញពី​តំបន់​លិចទឹក

អំណោយទាំងអស់ដែលមានការរួមចំណែក និងជួយឧបត្ថម្ភដោយគណៈបញ្ជាការដ្ឋានកងទ័ពការពារព្រំដែន ច្រកទ្វារកំពង់ផែ Da Nang សម្របសម្រួលជាមួយសប្បុរសជន ក្រុមហ៊ុន Ngoc Anh Food សាលាមត្តេយ្យ Da Lan និងកម្មាភិបាលនិងយុទ្ធជន។ 

លោកវរសេនីយ៍ឯកបំរុង Van Duc Truong ប្រធាននយោបាយនៃគណៈបញ្ជាការដ្ឋានកងទ័ពការពារព្រំដែន ច្រកទ្វារកំពង់ផែ Da Nang ឲ្យដឹងថា កងទ័ពការពារព្រំដែនតែងតែប្រចាំការ ត្រៀមខ្លួនជាស្រេចរៀបចំមធ្យោបាយជួយសង្គ្រោះនិងឆ្លើយតបទៅនឹងស្ថានភាពអាក្រក់កើតឡើង។ តាមរយៈការជួយដោយផ្ទាល់ដល់ប្រជាជនដែលរងផលប៉ះពាល់ដោយទឹកជំនន់  កម្មាភិបាលនិងយុទ្ធជននៃកងទ័ពការពារព្រំដែនកាន់តែយល់ច្បាស់អំពីស្ថានភាពលំបាកដែលប្រជាជនកំពុងប្រឈមមុខ ដោយហេតុនេះអង្គភាពកាន់តែលើកកម្ពស់ស្មារតីទទួលខុសត្រូវ និងការតាំងចិត្តជាមួយប្រជាជនជំនះការលំបាក៕

ផ្ដល់ស្បៀងអាហារដល់ជនរងគ្រោះដោយទឹកជំនន់

បកប្រែដោយ Pham Diep