នាវាល្បាតរបស់កងទ័ពជើងទឹកបារាំងបំពេញទស្សនកិច្ចនៅទីក្រុង Da Nang

ពិធីស្វាគមន៍នាវារបស់កងទ័ពជើងទឹកបារាំងនៅកំពង់ផែ Tien Sa បានប្រព្រឹត្តទៅក្រោមអធិបតីភាពរបស់ថ្នាក់ដឹកនាំមន្ទីរកិច្ចការបរទេសទីក្រុង Da Nang។ ចូលរួមពិធីស្វាគមន៍នេះ មានតំណាងនាយកដ្ឋានទាក់ទងអន្តរជាតិ (ក្រសួងការពារប្រទេស) បញ្ជាការដ្ឋានយោធភូមិភាគទី៥ បញ្ជាការដ្ឋានតំបន់លេខ៣ កងទ័ពជើងទឹក បញ្ជាការដ្ឋានតំបន់កងឆ្មាំសមុទ្រលេខ២ បញ្ជាការដ្ឋានយោធាទីក្រុង Da Nang និងបញ្ជាការដ្ឋានកងទ័ពការពារព្រំដែនទីក្រុង Da Nang។ ភាគីបារាំង មានភារធារីស្ថានទូតបារាំង និងតំណាងស្ថានអគ្គកុងស៊ុលបារាំងប្រចាំទីក្រុងហូជីមិញ។

ពិធីស្វាគមន៍នាវារបស់កងទ័ពជើងទឹកបារាំងនៅកំពង់ផែ Tien Sa

ក្នុងអំឡុងពេលស្នាក់នៅទីក្រុង Da Nang នាយទាហាន និងមេបញ្ជាការនៃនាវា Prairial នឹងចូលជួបសម្តែងការគួរសមជាមួយថ្នាក់ដឹកនាំនៃគណៈកម្មាធិការប្រជាជនទីក្រុង បញ្ជាការដ្ឋានយោធភូមិភាគទី៥ បញ្ជាការដ្ឋានតំបន់លេខ៣ កងទ័ពជើងទឹក។

នាវាចម្បាំងបារាំង Prairial នៅកំពង់ផែ Tien Sa

នាយទាហាន និងនាវិករបស់ភាគីទាំងពីរនឹងចូលរួមក្នុងការផ្លាស់ប្តូរវិជ្ជាជីវៈ និងសកម្មភាពផ្លាស់ប្តូរកីឡាជាមួយកងទ័ពជើងទឹក និងកងឆ្មាំសមុទ្រវៀតណាម ព្រមទាំងទៅទស្សនាកេរ្តិ៍ដំណែលវប្បធម៌ និងប្រវត្តិសាស្ត្រមួយចំនួនក្នុងមូលដ្ឋាន ដើម្បីបង្កើនការតភ្ជាប់ និងការយល់ដឹងគ្នាទៅវិញទៅមក។

ដំណើរទស្សនកិច្ចនេះសំដៅរួមចំណែកពង្រឹងទំនាក់ទំនងសហប្រតិបត្តិការរវាងកងទ័ពជើងទឹកទាំងពីរ រក្សាកិច្ចសន្ទនា និងអនុវត្តការសម្របសម្រួលនៅលើសមុទ្រ។ ការផ្លាស់ប្តូរដោយផ្ទាល់រវាងនាយទាហាន និងនាវិករបស់ប្រទេសទាំងពីរជួយបង្កើនទំនុកចិត្ត និងគាំទ្រដល់បរិយាកាសសន្តិភាព ស្ថិរភាព សន្តិសុខ និងសុវត្ថិភាពនាវាចរណ៍នៅក្នុងតំបន់។ នេះក៏ជាឱកាសមួយដើម្បីផ្សព្វផ្សាយអំពីរូបភាពទីក្រុង Da Nang ដល់មិត្តភក្តិអន្តរជាតិ ដោយបង្កើតលក្ខខណ្ឌអំណោយផលដើម្បីពង្រីកការជួបប្រាស្រ័យរវាងប្រជាជន និងប្រជាជន និងកិច្ចសហប្រតិបត្តិការលើវិស័យជាច្រើនទៀត៕

បកប្រែដោយ Huyen Trang