បង្កើនការយាមល្បាត និងការអនុវត្តច្បាប់ចម្រុះនៅតាមតំបន់ព្រំដែនវៀតណាម-ចិន
កប.អនឡាញ - នៅថ្ងៃទី១០ ខែវិច្ឆិកា នៅទីរួមស្រុក Tian Peng (ប្រទេសចិន) ប៉ុស្តិ៍ការពារព្រំដែន Son Vi និង Xin Cai (កងទ័ពការពារព្រំដែនខេត្ត Tuyen Quang ប្រទេសវៀតណាម) និងអនុស្ថានីយ៍ Tian Peng និងអនុស្ថានីយ៍ He Ping (ស្ថានីយ៍ការពារព្រំដែនឆ្លងដែន Tian Bao ប្រទេសចិន) បានរៀបចំកិច្ចប្រជុំជាប្រចាំមួយក្នុងត្រីមាសទី៣ ឆ្នាំ២០២៥។
នៅក្នុងកិច្ចប្រជុំនេះ ភាគីទាំងពីរបានវាយតម្លៃខ្ពស់ចំពោះលទ្ធផលនៃកិច្ចសហការក្នុងការការពារព្រំដែន ការទប់ស្កាត់ នឹងបង្ក្រាបបទល្មើស ការផ្លាស់ប្តូរព័ត៌មានស្តីពីការគ្រប់គ្រងនិងការពារព្រំដែន ការយាមល្បាតចម្រុះដើម្បីអនុវត្តច្បាប់នៅតាមព្រំដែន...
ភាគីទាំងពីររក្សា និងអនុវត្តយ៉ាងតឹងរ៉ឹងនូវឯកសារច្បាប់ស្តីពីការគ្រប់គ្រងព្រំដែនគោកវៀតណាម-ចិន កិច្ចព្រមព្រៀងសហប្រតិបត្តិការព្រំដែនកម្រិតខ្ពស់ និងកំណត់ហេតុនៃគណៈកម្មាធិការចម្រុះទទួលបន្ទុកព្រំដែនគោកវៀតណាម-ចិន។
    |
 |
|
ភាគីទាំងពីរចុះហត្ថលេខាលើអនុស្សរណៈនៃការយោគយល់គ្នា |
ភាគីទាំងពីររៀបចំសកម្មភាពគ្រប់គ្រង និងការពារព្រំដែនយ៉ាងសកម្ម រៀបចំការយាមល្បាត និងការត្រួតពិនិត្យជាប្រចាំដើម្បីការពារព្រំដែន និងបង្គោលព្រំដែនគោក ព្រមទាំងជូនដំណឹងគ្នាទៅវិញទៅមកភ្លាមៗអំពីឧប្បត្តិហេតុដែលកើតឡើងនៅតាមព្រំដែន និងការសាងសង់សំណង់នៅតាមព្រំដែន... ដោយផ្អែកលើមូលដ្ឋាននោះ ភាគីទាំងពីរបានសហការដោះស្រាយឧប្បត្តិហេតុដែលបានកើតឡើងយ៉ាងឆាប់រហ័ស ដោយរក្សាស្ថិរភាព សន្តិសុខ និងសណ្តាប់ធ្នាប់នៅសងខាងនៃព្រំដែន និងច្រកទ្វារព្រំដែន។
ភាគីទាំងពីរបានប្តេជ្ញាអនុវត្តកិច្ចព្រមព្រៀងស្តីពីបទប្បញ្ញត្តិគ្រប់គ្រងព្រំដែនគោកវៀតណាម-ចិន រក្សាកិច្ចសន្ទនា ការយាមល្បាតចម្រុះ បង្កើនការឃោសនា ការអប់រំ និងការណែនាំសម្រាប់ប្រជាជននៅសងខាងឲ្យគោរពតាមបទប្បញ្ញត្តិយ៉ាងតឹងរ៉ឹង...៕
បកប្រែដោយ Thuy Anh