នៅក្នុងសុន្ទរកថាបើក លោកឧត្តមសេនីយ៍ត្រី Pham Manh Thang ប្រធាននាយកដ្ឋានរក្សាសន្តិភាពវៀតណាម បានសង្កត់ធ្ងន់ថា នៅក្នុងដំណើរការនៃការរៀបចំ និងដាក់ពង្រាយកងកម្លាំងចូលរួមក្នុងបេសកកម្មរក្សាសន្តិភាពរបស់អង្គការសហប្រជាជាតិក្នុងរយៈពេល ១១ ឆ្នាំកន្លងមកនេះ វៀតណាមតែងតែទទួលបានការគាំទ្រ និងជំនួយដ៏មានតម្លៃពីអង្គការសហប្រជាជាតិ និងកាណាដា ជាពិសេសក្នុងវិស័យបណ្តុះបណ្តាល និងលើកកំពស់សមត្ថភាព។ វគ្គបណ្តុះបណ្តាលទីប្រឹក្សាយោធាអំពីយេនឌ័រដែលគាំទ្រដោយ UNITAR និងកាណាដានេះ គឺជាការបង្ហាញដ៏រស់រវើកមួយទៀតនៃទំនាក់ទំនងសហប្រតិបត្តិការដែលកំពុងរីកចម្រើនកាន់តែខ្លាំងឡើងនៅក្នុងវិស័យរក្សាសន្តិភាពរបស់អង្គការសហប្រជាជាតិ។

leftcenterrightdel
គណៈប្រតិភូដែលចូលរួមក្នុងពិធីបើកវគ្គបណ្តុះបណ្តាល

យោងតាមលោកឧត្តមសេនីយ៍ត្រី Pham Manh Thang វគ្គបណ្តុះបណ្តាលនេះក៏មានសារៈសំខាន់ពិសេសផងដែរ។ នេះជាលើកដំបូងហើយដែល UNITAR កាណាដា និងវៀតណាម បានរៀបចំវគ្គបណ្តុះបណ្តាលដ៏ស៊ីជម្រៅមួយស្តីពីទីប្រឹក្សាយោធាអំពីយេនឌ័រយោធាក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ ដោយមានការចូលរួមពីមន្ត្រីមកពីប្រទេសជាច្រើនក្នុងតំបន់ និងជុំវិញពិភពលោក រួមជាមួយអ្នកជំនាញ និងគ្រូបង្រៀនមកពីអង្គការសហប្រជាជាតិ ក្នុងបរិបទនៃការចូលរួមយ៉ាងស៊ីជម្រៅរបស់វៀតណាមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ ជាមួយនឹងការកើនឡើងទាំងបរិមាណ និងគុណភាពនៃយោធិនស្រី ដោយហេតុនេះបង្ហាញពីការប្តេជ្ញាចិត្ត និងការឆ្លើយតបរបស់វៀតណាមចំពោះរបៀបវារៈនារី សន្តិភាព និងសន្តិសុខរបស់អង្គការសហប្រជាជាតិ។

ក្នុងឱកាសនេះ លោកឧត្តមសេនីយ៍ត្រី Pham Manh Thang បានថ្លែងអំណរគុណយ៉ាងស្មោះស្ម័គ្រចំពោះ UNITAR និងកាណាដា ដែលបានគាំទ្រដល់នាយកដ្ឋានរក្សាសន្តិភាពវៀតណាមក្នុងការរៀបចំវគ្គបណ្តុះបណ្តាលនេះ ហើយសង្ឃឹមថានឹងបន្តទទួលបានការគាំទ្រដ៏មានតម្លៃនេះនាពេលអនាគត។ លោកឧត្តមសេនីយ៍ត្រី Pham Manh Thang  ជឿជាក់ថា ដោយផ្អែកលើទំនាក់ទំនងសហប្រតិបត្តិការដ៏ល្អ និងដំណើរការរៀបចំដោយហ្មត់ចត់ រួមជាមួយនឹងការប្តេជ្ញាចិត្ត និងការខិតខំប្រឹងប្រែងខ្ពស់បំផុតរបស់មន្ត្រី គ្រូបង្រៀន អ្នកសម្របសម្រួល និងសិក្ខាកាមទាំងអស់ វគ្គបណ្តុះបណ្តាលនេះនឹងទទួលបានជោគជ័យយ៉ាងធំធេង។

វគ្គបណ្តុះបណ្តាលនេះមានការចូលរួមពីសិក្ខាកាមមកពីប្រទេសវៀតណាម កាហ្សាក់ស្ថាន ប៉ាគីស្ថាន សេណេហ្គាល់ ហ្សំប៊ី ម៉ុងហ្គោលី ថៃ ឥណ្ឌា ម៉ារ៉ុក ម៉ាឡេស៊ី អាហ្វ្រិកខាងត្បូង បង់ក្លាដែស និងនេប៉ាល់៕

បកប្រែដោយ Duy Hoan