នៅក្នុងព្រឹត្តិការណ៍នេះ លោក Ho Quang Loi ប្រធានសមាគមមិត្តភាពវៀតណាម-រ៉ូម៉ានី បានរំលឹកឡើងវិញនូវអត្ថន័យជាប្រវត្តិសាស្ត្រនៃទិវាបុណ្យឯករាជ្យជាតិរ៉ូម៉ានី និងសមិទ្ធផលសំខាន់ៗដែលរ៉ូម៉ានីសម្រេចបានក្នុងការអភិវឌ្ឍសេដ្ឋកិច្ចសង្គម។

leftcenterrightdel
លោក Nguyen Ngoc Hung អនុប្រធានសហភាពសហព័ន្ធអង្គការមិត្តភាពវៀតណាម (ទីពីរពីស្តាំ) ជូនផ្កាអបអរសាទរទិវាបុណ្យឯករាជ្យជាតិនៃប្រទេសរ៉ូម៉ានី

លោក Ho Quang Loi បានឲ្យដឹងថា រ៉ូម៉ានីគឺជាប្រទេសមួយក្នុងចំណោមប្រទេសចំនួន ១០ ដំបូងគេដែលបង្កើតទំនាក់ទំនងការទូតជាមួយវៀតណាម ហើយក្នុងរយៈពេល ៧៥ ឆ្នាំកន្លងមកនេះ ទំនាក់ទំនងរវាងប្រទេសទាំងពីរ មានព្រឹត្តិការណ៍សំខាន់ៗជាច្រើន។ ដោយបន្តប្រពៃណីដ៏ល្អនោះ ទំនាក់ទំនងមិត្តភាព និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម និងរ៉ូម៉ានីនៅប៉ុន្មានឆ្នាំថ្មីៗនេះ ត្រូវបានពង្រីក និងពង្រឹងនៅក្នុងវិស័យជាច្រើន។ នាពេលកន្លងមកនេះ សមាគមមិត្តភាពវៀតណាម-រ៉ូម៉ានី បានខិតខំប្រឹងប្រែងធ្វើជាស្ពានមួយដើម្បីជម្រុញពាណិជ្ជកម្ម ការអប់រំ វប្បធម៌ ទេសចរណ៍ ជួយគាំទ្រការផ្លាស់ប្តូរពលករ រួមចំណែកដល់ការលើកកម្ពស់ចំណងមិត្តភាព និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ។

នៅក្នុងជំនួប លោកស្រី Cristina Romila ឯកអគ្គរដ្ឋទូតរ៉ូម៉ានីប្រចាំនៅវៀតណាម បានបញ្ជាក់ថា វៀតណាមនៅតែជាដៃគូសំខាន់មួយរបស់ប្រទេសរ៉ូម៉ានីនៅក្នុងតំបន់អាស៊ី-ប៉ាស៊ីហ្វិក។ ទំនាក់ទំនងរវាងប្រទេសទាំងពីរត្រូវបានពង្រឹងដោយឥតឈប់ឈរតាមរយៈសកម្មភាពសាមគ្គីភាព និងការជួយគាំទ្រគ្នាទៅវិញទៅមក។ លោកស្រីបានវាយតម្លៃខ្ពស់ចំពោះតួនាទី និងការរួមចំណែករបស់សហភាពសហព័ន្ធអង្គការមិត្តភាពវៀតណាម និងសមាគមមិត្តភាពវៀតណាម-រ៉ូម៉ានី ក្នុងការពង្រឹងមិត្តភាព និងការជឿទុកចិត្តរវាងប្រជាជននៃប្រទេសទាំងពីរ៕

បកប្រែដោយ Thuy Anh