ក្នុងក្របខ័ណ្ឌនៃដំណើរទស្សនកិច្ចនេះ គណៈប្រតិភូបានជួបពិភាក្សាការងារជាមួយលោក Marcos Perestrello អនុប្រធានរដ្ឋសភា; លោក Paulo Raimundo អគ្គលេខាគណបក្សកុម្មុយនិស្តព័រទុយហ្គាល់; លោកស្រី Ana Isabel Xavier រដ្ឋលេខាធិការក្រសួងការបរទេស; លោក Gonçalo da Cunha Pires រដ្ឋលេខាធិការក្រសួងយុត្តិធម៌; លោក Paulo Jorge Vieira Morgado de Carvalho អគ្គព្រះរាជអាជ្ញារង; លោក Jose Moura Lopes ប្រធានទីភ្នាក់ងារប្រឆាំងអំពើពុករលួយជាតិ; ប្រធាន និងសមាជិកគណៈកម្មការដឹកនាំនៃសមាគមមិត្តភាពព័រទុយហ្គាល់-វៀតណាម។ គណៈប្រតិភូបានជួបធ្វើការជាមួយកម្មាភិបាល បុគ្គលិកនៃស្ថានទូត ព្រមទាំងជួបសំណេះសំណាលជាមួយតំណាងសហគមន៍អាណិកជនវៀតណាម និងសម្ពោធស្ថានទូតវៀតណាមប្រចាំនៅព័រទុយហ្គាល់។

leftcenterrightdel
លោក Phan Dinh Trac និងលោក Paulo Raimundo អគ្គលេខាគណបក្សកុម្មុយនិស្តព័រទុយហ្គាល់

នៅក្នុងជំនួបទាំងឡាយ លោក Phan Dinh Trac និងដៃគូព័រទុយហ្គាល់បានផ្តោតលើការពិភាក្សាអំពីស្ថានភាពនៃប្រទេសនីមួយៗ និងទំនាក់ទំនងទ្វេភាគី បទពិសោធន៍ គោលការណ៍ គោលនយោបាយ និងវិធានការនានាក្នុងការងារប្រឆាំងអំពើពុករលួយ កំណែទម្រង់ប្រព័ន្ធតុលាការ ការកសាងច្បាប់ ការរៀបចំស្ថាប័នតុលាការ  ព្រមទាំងពិភាក្សាអំពីបញ្ហាអន្តរជាតិ និងតំបន់មួយចំនួនដែលភាគីទាំងពីរមានការយកចិត្តទុកដាក់រួមគ្នា និងលើកឡើងទិសដៅសំខាន់ៗមួយចំនួនដើម្បីជំរុញកិច្ចសហប្រតិបត្តិការវៀតណាម-ព័រទុយហ្គាល់នាពេលខាងមុខ៕

បកប្រែដោយ Huyen Trang