Metfone គឺជាគម្រោងវិនិយោគរបស់សម្ព័ន្ធក្រុមហ៊ុន Viettel នៅក្នុងព្រះរាជាណាចក្រកម្ពុជា ដែលត្រូវបានបង្កើតនៅឆ្នាំ ២០០៦ ហើយត្រូវបានដាក់ឲ្យដំណើរការជាផ្លូវការនៅឆ្នាំ២០០៩។ រហូតមកដល់ពេលនេះ បន្ទាប់ពីការសាងសង់ និងអភិវឌ្ឍន៍អស់រយៈពេល ២០ ឆ្នាំ Metfone បានក្លាយជាក្រុមហ៊ុនទូរគមនាគមន៍-បច្ចេកវិទ្យាឌីជីថល ដែលមានហេដ្ឋារចនាសម្ព័ន្ធបណ្តាញអ៊ីនធឺណិតធំជាងគេ ដោយនាំមកនូវប្រព័ន្ធអ៊ីនធឺណិតដល់ខេត្តក្រុងទាំងឡាយនៅទូទាំងប្រទេស។ ក្រុមហ៊ុនត្រូវបានទទួលស្គាល់ និងកោតសរសើរ ដោយរដ្ឋាភិបាល និងក្រសួងការពារជាតិកម្ពុជា ហើយទទួលបានគ្រឿងឥស្សរយយសមេដាយមុនីសារាភ័ណ្ឌដែលជាមេដាយខ្ពស់បំផុតរបស់រាជវង្សកម្ពុជា។

leftcenterrightdel
លោក Bui Thanh Son បំពេញទស្សនកិច្ចនៅក្រុមហ៊ុនទូរគមនាគមន៍ Metfone (រូបថត៖ baochinhphu.vn)

បន្ទាប់ពីប្រតិបត្តិការជិត ១៤ ឆ្នាំនៅកម្ពុជា MB កម្ពុជាតែងតែផ្តល់នូវគុណភាពសេវាកម្មល្អ បង្កើតទំនុកចិត្ត និងសេចក្តីស្រឡាញ់ចំពោះអតិថិជន ហើយតែងតែគោរពតាមបទប្បញ្ញត្តិរបស់កម្ពុជា។

ក្រុមហ៊ុន Angkor Milk ដែលវិនិយោគ និងសាងសង់ដោយក្រុមហ៊ុន Vinamilk គឺជារោងចក្រផលិតទឹកដោះគោដំបូងគេនៅកម្ពុជា។ ចាប់តាំងពីបើកសម្ពោធនៅខែឧសភា ឆ្នាំ២០១៦ មក ផលិតផលទឹកដោះគោជាច្រើនប្រភេទរបស់ក្រុមហ៊ុន Angkor Milk មានវត្តមាននៅគ្រប់ខេត្ត និងក្រុងនៃប្រទេសកម្ពុជា។

ក្នុងឱកាសនេះ ក្នុងនាមថ្នាក់ដឹកនាំបក្ស និងរដ្ឋ លោកឧបនាយករដ្ឋមន្ត្រី បានលើកសរសើរ និងវាយតម្លៃខ្ពស់ចំពោះសមូហភាពធុរកិច្ច ដែលតែងតែសាមគ្គ សកម្ម ច្នៃប្រឌិត ជំនះការលំបាក និងកសាងម៉ាកល្បីៗនៅក្នុងទីផ្សារកម្ពុជា ដែលក្លាយជានិមិត្តរូបនៃកិច្ចសហប្រតិបត្តិការវិនិយោគរវាងប្រទេសទាំងពីរ។

leftcenterrightdel
លោក Bui Thanh Son បំពេញទស្សនកិច្ចនៅធនាគារភាគហ៊ុនពាណិជ្ជកម្មយោធា (MB) កម្ពុជា (រូបថត៖ baochinhphu.vn)

លោកឧបនាយករដ្ឋមន្ត្រីក៏បានកោតសរសើរចំពោះការរួមចំណែកដ៏សំខាន់របស់ក្រុមហ៊ុនទាំងបីចំពោះការអភិវឌ្ឍសេដ្ឋកិច្ចសង្គមរបស់ប្រទេសកម្ពុជា ដែលរួមចំណែកជាក់ស្តែងក្នុងការរឹតបន្តឹងទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម និងកម្ពុជា។ លោកឧបនាយករដ្ឋមន្ត្រីសង្ឃឹមថា ក្រុមហ៊ុនទាំងបីនឹងបន្តពង្រីកសកម្មភាពវិនិយោគ និងអាជីវកម្ម បង្កើនការប្រើប្រាស់បច្ចេកវិទ្យាឌីជីថលបៃតងក្នុងសកម្មភាពផលិតកម្ម និងអាជីវកម្ម។ ទន្ទឹមនឹងនោះ បន្តពង្រីកប្រពៃណីនៃការជួយគ្នាទៅវិញទៅមក តាមរយៈសកម្មភាពសប្បុរសធម៌ ហើយផ្តោតលើការបណ្តុះបណ្តាលធនធានមនុស្សកម្ពុជាក្នុងវិស័យវិនិយោគ យកចិត្តទុកដាក់ដល់ការបង្កើតការងារសម្រាប់ប្រជាជនវៀតណាមនៅកម្ពុជា៕

បកប្រែដោយ Thuy Anh