ស្នងការដ្ឋាននគរបាលខេត្តព្រៃវែង ជូនពរឆ្នាំថ្មីដល់កងទ័ពការពារព្រំដែនខេត្ត Dong Thap

ក្នុងជំនួប លោកឧត្តមសេនីយ៍ទោ ឈឿន ប៊ុនឆន បានជូនពរដល់កម្មាភិបាល និងយុទ្ធជននៃកងទ័ពការពារព្រំដែនខេត្ត Dong Thap និងប្រជាជនវៀតណាម ឲ្យមានសុខភាពល្អ និងសេចក្តីចម្រើន ព្រមទាំងជូនពរឲ្យចំណងសាមគ្គីភាព និងមិត្តភាពរវាងប្រទេសទាំងពីរកាន់តែរឹងមាំ និងស្ថិតស្ថិរ។

គណៈប្រតិភូស្នងការដ្ឋាននគរបាលខេត្តព្រៃវែង ជូនពរឆ្នាំថ្មីដល់កងទ័ពការពារព្រំដែនខេត្ត Dong Thap (រូបថត៖ baodongthap.vn)

លោកឧត្តមសេនីយ៍ទោ ឈឿន ប៊ុនឆន បានសម្តែងក្តីសង្ឃឹមថា នាពេលខាងមុខ ភាគីទាំងពីរនឹងបន្តសហការយ៉ាងជិតស្និទ្ធក្នុងការផ្លាស់ប្តូរព័ត៌មាន និងប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទនៅតំបន់ព្រំដែន។

លោកវរសេនីយ៍ឯក Le Xuan Hai មេបញ្ជាការរងគណៈបញ្ជាការកងទ័ពការពារព្រំដែនខេត្ត Dong Thap បានថ្លែងអំណរគុណដំពោះស្នងការដ្ឋាននគរបាលខេត្តព្រៃវែង ដែលមកសួរសុខទុក្ខ និងជូនពរឆ្នាំថ្មីដល់កម្មាភិបាល និងយុទ្ធជននៃកងទ័ពការពារព្រំដែនខេត្ត Dong Thap។

លោកក៏បានសម្តែងក្តីសង្ឃឹមផងដែរថា នៅឆ្នាំ២០២៦នេះ កងកម្លាំងការពារព្រំដែននៃភាគីទាំងពីរនឹងបន្តសហការយ៉ាងជិតស្និទ្ធក្នុងការគ្រប់គ្រង និងការពារព្រំដែនរវាងប្រទេសទាំងពីរ ហើយពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទ រួមចំណែកដល់ការកសាងព្រំដែនប្រកបដោយសន្តិភាព មិត្តភាព កិច្ចសហប្រតិបត្តិការ និងអភិវឌ្ឍន៍៕

បកប្រែដោយ Thuy Anh