អាណិកជនវៀតណាមនៅស្វីសរៃអង្គាសជួយដល់ជនរួមជាតិនៅបណ្ដាខេត្តភាគកណ្តាលនិងតំបន់ខ្ពង់រាបកណ្តាល Tay Nguyen
កប.អនឡាញ - ចំពោះមុខនឹងការបាត់បង់យ៉ាងធ្ងន់ធ្ងរដែលកើតឡើងដោយគ្រោះមហន្តរាយធម្មជាតិ និងទឹកជំនន់នៅបណ្ដាខេត្តភាគកណ្តាល និងតំបន់ខ្ពង់រាបកណ្តាល Tay Nguyen ប្រទេសវៀតណាម ព្រមទាំងតបតាមការអំពាវនាវរបស់គណៈប្រធាននៃគណៈកម្មាធិការមជ្ឈិមរណសិរ្សមាតុភូមិវៀតណាម ស្ថានបេសកកម្មអចិន្ត្រៃយ៍វៀតណាមប្រចាំទីក្រុងហ្សឺណែវ ប្រទេសស្វីស បានអំពាវនាវឲ្យសមាគម និងសហគមន៍វៀតណាមនៅទីក្រុងហ្សឺណែវ និងរដ្ឋជិតខាង រៃអង្គាសប្រាក់ជួយដល់ជនរួមជាតិនៅក្នុងតំបន់ដែលរងផលប៉ះពាល់ដោយគ្រោះមហន្តរាយធម្មជាតិ។
    |
 |
|
លោក Cung Duc Han ភារធារីនៃស្ថានបេសកកម្មអចិន្ត្រៃយ៍វៀតណាមប្រចាំទីក្រុងហ្សឺណែវ ផ្តល់ព័ត៌មានថ្មីៗដល់អាណិកជនវៀតណាមនៅបរទេសអំពីស្ថានភាពគ្រោះមហន្តរាយធម្មជាតិ និងទឹកជំនន់នៅបណ្ដាខេត្តភាគកណ្តាល និងតំបន់ខ្ពង់រាបកណ្តាល Tay Nguyen (រូបថត៖ vnanet.vn) |
គិតដល់ថ្ងៃទី ២៧ ខែវិច្ឆិកា ស្ថានបេសកកម្មអចិន្ត្រៃយ៍វៀតណាមប្រចាំទីក្រុងហ្សឺណែវ បានទទួលប្រាក់ចំនួន ៦,១៥០ ហ្វ្រង់ស្វីស និង ១,៦០០ អឺរ៉ូ និង ៤០០ ដុល្លារអាមេរិកពីអាណិកជនវៀតណាម។ ចំនួនទឹកប្រាក់នេះនឹងត្រូវបានផ្ទេរទៅគណៈកម្មាធិការចលនាសង្គ្រោះមជ្ឈិមនៃគណៈកម្មាធិការមជ្ឈិមរណសិរ្សមាតុភូមិវៀតណាម។
ក្រៅពីនេះ ស្ថានបេសកកម្មអចិន្ត្រៃយ៍វៀតណាមប្រចាំទីក្រុងហ្សឺណែវក៏បានផ្ញើកំណត់ទូត និងជួបធ្វើការដោយផ្ទាល់ជាមួយបណ្ដាអង្គការអន្តរជាតិនៅទីក្រុងហ្សឺណែវដូចជា ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) សហព័ន្ធអន្តរជាតិកាកបាទក្រហម និងអឌ្ឍចន្ទក្រហម (IFRC) អង្គការសុខភាពពិភពលោក (WHO) អង្គការឧតុនិយមពិភពលោក (WMO) និងទីភ្នាក់ងារមួយចំនួនទៀត ដើម្បីស្នើជំនួយបន្ទាន់សម្រាប់វៀតណាមជំនះផលវិបាកនៃទឹកជំនន់។
IFRC ឲ្យដឹងថា បានបញ្ចេញកញ្ចប់ជំនួយបន្ទាន់។ WHO បានបញ្ជាក់ថានឹងជួយឧបត្ថម្ភពីមូលនិធិបម្រុងសង្គ្រោះបន្ទាន់ដើម្បីបម្រើសកម្មភាពជួយសង្គ្រោះនិងការពារសុខភាពរបស់ប្រជាជន។ WMO ក៏បានបញ្ជាក់ផងដែរថា អង្គការកំពុងធ្វើការវាយតម្លៃស្ថានភាពទឹកជំនន់នៅមូលដ្ឋាននានាដើម្បីផ្តល់ជំនួយដល់វៀតណាម៕
បកប្រែដោយ Pham Diep