ភាពជាដៃគូគ្រប់ជ្រុងជ្រោយរវាងវៀតណាម និងប្រ៊ុយណេ បើកផ្លូវសម្រាប់កិច្ចសហប្រតិបត្តិការដ៏រីកចម្រើន

ទាក់ទងនឹងសារៈសំខាន់នៃដំណើរទស្សនកិច្ចនេះចំពោះទំនាក់ទំនងវៀតណាម-ប្រ៊ុយណេ លោក Tran Anh Vu ឯកអគ្គរដ្ឋទូតបានមានប្រសាសន៍ថា៖ “ដំណើរទស្សនកិច្ចនេះរបស់ព្រះមហាក្សត្រនៃប៊្រុយណេ បញ្ជាក់ពីការប្តេជ្ញាចិត្តរបស់ប្រទេសទាំងពីរក្នុងការពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យ បន្ទាប់ពីបានតម្លើងទំនាក់ទំនងទ្វេភាគីទៅជាភាពជាដៃគូគ្រប់ជ្រុងជ្រោយក្នុងឆ្នាំ ២០១៩។

លោក Luong Cuong ប្រធានរដ្ឋវៀតណាម ទទួលជួបព្រះចៅស៊ុលតង់ Haji Hassanal Bolkiah ព្រះមហាក្សត្រនៃប៊្រុយណេ  នៅក្នុងសប្តាហ៍កិច្ចប្រជុំកំពូល APEC ២០២៥ (រូបថត៖vnanet.vn)

ក្នុងក្របខ័ណ្ឌនៃដំណើរទស្សនកិច្ចនេះ ភាគីទាំងពីរនឹងពិភាក្សា និងវាយតម្លៃអំពីការអនុវត្តវិស័យសហប្រតិបត្តិការនៅក្នុងកម្មវិធីសកម្មភាពដើម្បីអនុវត្តទំនាក់ទំនងភាពជាដៃគូគ្រប់ជ្រុងជ្រោយសម្រាប់ដំណាក់កាល ២០២៣-២០២៧ ដែលត្រូវបានអនុម័តក្នុងអំឡុងពេលដំណើរទស្សនកិច្ចជាផ្លូវការទៅកាន់ប្រ៊ុយណេរបស់លោក Pham Minh Chinh នាយករដ្ឋមន្ត្រីវៀតណាម ក្នុងខែកុម្ភៈ ឆ្នាំ ២០២៣។ ជាពិសេស ដំណើរទស្សនកិច្ចនេះគឺជាឱកាសមួយសម្រាប់ភាគីទាំងពីរ ពិភាក្សាអំពីវិធានការដើម្បីពង្រឹង និងធ្វើឲ្យស៊ីជម្រៅថែមទៀតនូវកិច្ចហប្រតិបត្តិការក្នុងវិស័យសំខាន់ៗ និងអាទិភាព ដូចជា៖ នយោបាយ ការទូត ការពារជាតិ សន្តិសុខ ថាមពល ទេសចរណ៍ និងការជួបប្រាស្រ័យរវាងប្រជាជន និងប្រជាជន”។

យោងតាមលោក Tran Anh Vu ឯកអគ្គរដ្ឋទូត ក្នុងដំណើរទស្សនកិច្ចនេះ វៀតណាម និងប្រ៊ុយណេគ្រោងនឹងចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការហាឡាល និងបង្កើនការសម្របសម្រួលក្នុងវិស័យនេសាទ ជាពិសេសក្នុងការបង្ការ ប្រយុទ្ធប្រឆាំងនឹងការនេសាទខុសច្បាប់ មិនបានរាយការណ៍ និងមិនមានបទប្បញ្ញត្តិ (IUU)៕

បកប្រែដោយ Huyen Trang