ខុទ្ទកាល័យនៃគណៈកម្មាធិការមជ្ឈិមបក្សកុម្មុយនិស្តវៀតណាម និងគណៈកម្មាធិការអចិន្ត្រៃយ៍រដ្ឋសភា ជួយឧបត្ថម្ភប្រជាជនជំនះផលវិបាកនៃខ្យល់ព្យុះលេខ១០

ថ្លែងក្នុងកម្មវិធីនេះ លោក To Lam អគ្គលេខាបក្ស បានសួរសុខទុក្ខ និងចូលរួមរំលែកទុក្ខយ៉ាងក្រៀមក្រំបំផុតទៅកាន់គ្រួសារជនរងគ្រោះ និងបានចែករំលែកនូវការឈឺចាប់ ការបាត់បង់ និងការលំបាក ដល់ប្រជាជននៅតំបន់ដែលរងផលប៉ះពាល់ដោយគ្រោះធម្មជាតិ និងខ្យល់ព្យុះនាពេលថ្មីៗនេះ។

លោក To Lam អគ្គលេខាបក្ស ចូលរួមរៃអង្គាសដើម្បីជួយឧបត្ថម្ភប្រជាជនជំនះផលវិបាកនៃខ្យល់ព្យុះលេខ១០

ដើម្បីជម្នះផលវិបាកនៃគ្រោះធម្មជាតិ ខ្យល់ព្យុះទឹកជំនន់ និងជួយប្រជាពលរដ្ឋមានស្ថិរភាពក្នុងជីវភាពរស់នៅបានឆាប់ៗ លោក To Lam អគ្គលេខាបក្ស បានសង្កត់ធ្ងន់ថា ខេត្តក្រុង​នានា ត្រូវតែប្រមូលកងកម្លាំងកងទ័ព នគរបាល យុវជន និងមធ្យោបាយ ដើម្បីជួយគាំទ្រការស្វែងរក និងសង្គ្រោះទាន់ពេល និងជួយប្រជាពលរដ្ឋជួសជុលផ្ទះដែលខូចខាតដោយសារខ្យល់ព្យុះនិងទឹកជំនន់  ព្រមទាំងរៀបចំកន្លែងស្នាក់នៅបណ្តោះអាសន្ន ផ្គត់ផ្គង់ស្បៀងអាហារ ទឹកស្អាត និងសម្ភារៈប្រើប្រាស់ចាំបាច់សម្រាប់គ្រួសារដែលបាត់បង់ផ្ទះសម្បែង។

លោក To Lam អគ្គលេខាបក្ស បានស្នើឱ្យជួសជុលជាបន្ទាន់នូវគ្រឹះស្ថានអប់រំ និងមន្ទីរពេទ្យដែលរងការខូចខាតដោយខ្យល់ព្យុះ និងទឹកជំនន់  ផ្តល់ជំនួយភ្លាមៗដល់ប្រជាពលរដ្ឋដែលរងផលប៉ះពាល់ កុំឲ្យសិស្សផ្អាកការសិក្សា   ឬខ្វះសៀវភៅ និងកុំទុកឱ្យប្រជាជនគ្មានកន្លែង​ពិនិត្យសុខភាពនិងព្យាបាលជំងឺ ។ ប្រមូលកងកម្លាំងដើម្បីជំនះផលវិបាកភ្លាមៗបន្ទាប់ពីខ្យល់ព្យុះនិងទឹកជំនន់ ជាពិសេសធានាកន្លែងស្នាក់នៅបណ្ដោះអាសន្ន និងស្តារឡើងវិញនូវប្រព័ន្ធគមនាគមន៍ បណ្ដាញអគ្គិសនី ទឹក ទូរគមនាគមន៍ សុខាភិបាល និងអប់រំជាដើម។

កម្មាភិបាល និងបុគ្គលិក នៃខុទ្ទកាល័យនៃគណៈកម្មាធិការមជ្ឈិមបក្សកុម្មុយនិស្តវៀតណាមចូលរួមរៃអង្គាសដើម្បីជួយឧបត្ថម្ភប្រជាជនជំនះផលវិបាកនៃខ្យល់ព្យុះលេខ១០

លោក To Lam​​ អគ្គលេខាបក្ស បានលើកឡើងថា មូលដ្ឋាននានាត្រូវទប់ទល់នឹងគ្រោះធម្មជាតិដោយម្ចាស់ការ តាមដានស្ថានភាព ផ្តល់ព័ត៌មាន និងព្រមានដល់ប្រជាពលរដ្ឋ និងរៀបចំផែនការបង្ការ និងទប់ទល់នឹងគ្រោះធម្មជាតិ។

លោក Tran Thanh Man ប្រធានរដ្ឋសភា​ និងប្រតិភូចូលរួមរៃអង្គាសដើម្បីជួយប្រជាជនជម្នះផលវិបាកនៃគ្រោះធម្មជាតិ និងទឹកជំនន់

នារសៀលថ្ងៃដដែល នៅវិមានរដ្ឋសភា គណៈកម្មាធិការអចិន្ត្រៃយ៍រដ្ឋសភា បានរៀបចំកម្មវិធីរៃអង្គាសដើម្បីជួយប្រជាជនជម្នះផលវិបាកនៃគ្រោះធម្មជាតិ និងទឹកជំនន់៕

បកប្រែដោយ Pham Diep