វៀតណាមគាំទ្រការបញ្ចប់ការចរចាដើម្បីតម្លើងកិច្ចព្រមព្រៀង ATIGA
កប.អនឡាញ - នាព្រឹកថ្ងៃទី៩ ខែឧសភា កិច្ចប្រជុំរដ្ឋមន្ត្រីសេដ្ឋកិច្ចអាស៊ានពិសេសលើកទី២ ស្តីពីការចរចាដើម្បីតម្លើងកិច្ចព្រមព្រៀងពាណិជ្ជកម្មទំនិញអាស៊ាន (ATIGA) បានប្រព្រឹត្តទៅក្រោមអធិបតីភាពលោក Gan Kim Yong ឧបនាយករដ្ឋមន្ត្រី និងជារដ្ឋមន្ត្រីក្រសួងពាណិជ្ជកម្ម និងឧស្សាហកម្មសិង្ហបុរី។
គណៈប្រតិភូវៀតណាមដឹកនាំដោយលោក Nguyen Hong Dien រដ្ឋមន្ត្រីក្រសួងឧស្សាហកម្ម និងពាណិជ្ជកម្ម បានចូលរួមកិច្ចប្រជុំនេះ។
មានប្រសាសន៍នៅក្នុងកិច្ចប្រជុំ លោក Nguyen Hong Dien រដ្ឋមន្ត្រីបានសម្តែងការគាំទ្រចំពោះការបញ្ចប់ការចរចាដើម្បីតម្លើងកិច្ចព្រមព្រៀង ATIGA និងអបអរសាទរលទ្ធផលធ្វើការជាវិជ្ជមានរបស់គណៈកម្មាធិការចរចាដើម្បីតម្លើងកិច្ចព្រមព្រៀង ATIGA (TNC) និងក្រុមបច្ចេកទេសក្នុងរយៈពេលកន្លងមក។
    |
 |
|
កិច្ចប្រជុំរដ្ឋមន្ត្រីសេដ្ឋកិច្ចអាស៊ានពិសេសលើកទី២ ស្តីពីការចរចាដើម្បីតម្លើងកិច្ចព្រមព្រៀង ATIGA (រូបថត៖ vnanet.vn) |
លោករដ្ឋមន្ត្រីបានអំពាវនាវឱ្យប្រទេសនានាបន្តលើកកម្ពស់ស្មារតីនៃសាមគ្គីភាពអាស៊ាន រួមគ្នាដោះស្រាយភាពខុសគ្នាដែលនៅសេសសល់ដោយឈរលើមូលដ្ឋាននៃតុល្យភាពផលប្រយោជន៍ ឆ្ពោះទៅរកកិច្ចព្រមព្រៀង ATIGA ដែលត្រូវបានតម្លើងឡើងកម្រិតថ្មីមួយដែលអាចធ្វើទៅបាន ប្រសិទ្ធភាព និងនិរន្តរភាពសម្រាប់ភាគីទាំងអស់៕
បកប្រែដោយ Huyen Trang