ទូរថភ្លើងទំនើបចំនួន ២០ គ្រឿងត្រូវបានដាក់ឱ្យដំណើរការជាផ្លូវការនៅលើខ្សែរថភ្លើងហាណូយ-ហាយផុង

នេះជាលើកទីមួយហើយដែលឧស្សាហកម្មផ្លូវដែកបានដាក់ឱ្យដំណើរការទូរថភ្លើង VIP មានកៅអីចំនួន ៣៤  កៅអី ដែលបានរចនាតាមបែបឥណ្ឌូចិន រួមបញ្ចូលគ្នានូវភាពទំនើប និងប្រពៃណីអាស៊ីបូព៌ា។ ទូរថភ្លើងត្រូវបានបំពាក់ដោយកម្រាលឈើ វ៉ាយហ្វាយ និងកន្លែងបម្រើភេសជ្ជៈដោយឥតគិតថ្លៃ។ នេះក៏ជាទីតាំងសម្រាប់ថតរូបអនុស្សាវរីយ៍ និងសម្តែងសិល្បៈផងដែរ។

ខាងក្នុងទូរថភ្លើងត្រូវបានតុបតែងយ៉ាងប្រណិត

ដើម្បីបំពេញតម្រូវការរបស់អ្នកដំណើរ ក្រៅពីទូរថភ្លើង VIP មានកៅអីចំនួន  ៣៤ កៅអី និងទូរថភ្លើងមានកៅអីបង្វិលចំនួន ៥៦   កៅអី ហើយនៅមានទូរថភ្លើងធម្មតាចំនួន ៦៤ កៅអីផងដែរ ដោយមានថ្លៃសំបុត្រផ្សេងគ្នា។

នៅខាងក្រៅនៃទូរថភ្លើងត្រូវបានរចនាដោយពណ៌ក្រហមនៃផ្កាក្ងោកក្រហម ដែលជានិមិត្តរូបនៃទីក្រុងហាយផុង។ អគ្គក្រុមហ៊ុនផ្លូវដែកវៀតណាមបានឲ្យដឹងថា ទូរថភ្លើងទំនើបនៅលើខ្សែរថភ្លើងហាណូយ - ហាយផុង នឹងដំណើរការចាប់ពីថ្ងៃទី ១០ ខែឧសភា ក្នុងឱកាសខួបលើកទី ៧០ នៃទិវារំដោះទីក្រុងហាយផុង៕

បកប្រែដោយ Pham Diep