យុវជនជាអាណិកជនវៀតណាមបង្ហាញស្មារតីស្រឡាញ់ជាតិមាតុភូមិ

ចូលរួមកម្មាវិធីជំរុំរដូវក្តៅនេះមានសមាជិកចំនួន ១៨ នាក់ រួមទាំងយុវជននៃទីក្រុងហូជីមិញ និងយុវជនជាអាណិកជនវៀតណាមមកពីប្រទេសឡាវ កូរ៉េខាងត្បូង ឥណ្ឌា កាណាដា និងអារ៉ាប់រួម។ សមាជិកទាំងឡាយបានចូលរួមក្នុងសកម្មភាពដ៏មានអត្ថន័យជាច្រើនដូចជា៖ កិច្ចពិភាក្សា"យុវជនជាអាណិកជនវៀតណាមបង្ហាញស្មារតីស្រឡាញ់ជាតិមាតុភូមិ - មោទនភាព ៥០ ឆ្នាំ នៃការបង្រួបបង្រួមប្រទេសជាតិ" ចូលរួម​ពិធីអុជធូបគោរពវិញ្ញាណក្ខន្ធដល់វីរជនពលីនៅទីបញ្ចុះសពយុទ្ធជនពលី Rung Sac ព្រមទាំង​​អញ្ជើញទៅសួរសុខទុក្ខអ្នកម្តាយវៀតណាមវីរភាព Nguyen Thi Hay និងគ្រួសារយុទ្ធជនពិការនៅស្រុក Can Gio។

សមាជិកទាំងឡាយថតរូបអនុស្សាវរីយ៍ក្នុងពិធីបើកជំរុំរដូវក្តៅ

លើសពីនេះ សមាជិកទាំងឡាយក៏បានទៅទស្សនា និងស្វែងយល់អំពីតំបន់ប្រវត្តិសាស្ត្រ និងវប្បធម៌ក្នុងខេត្តចំនួន ៥ នៅភាគអាគ្នេយ៍នៃភូមិភាគខាងត្បូងវៀតណាម ដូចជា៖ ផ្លូវរូងក្រោមដី Cu Chi ពន្ធនាគារ Phu Loi និងភ្នំ Ba Den...។ ក្រៅពីនេះ សមាជិកទាំងឡាយក៏មានឱកាសផ្លាស់ប្តូរវប្បធម៌ សិល្បៈ និងចូលរួមលេងល្បែងប្រជាប្រិយ សិក្សាស្វែងយល់អំពីវប្បធម៌ប្រពៃណី អនុវត្តនិយាយភាសារវៀតណាម  និងចូលរួមព្រឹត្តិការណ៍អបអរសាទរខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ នៅទីក្រុងហូជីមិញ។

បកប្រែដោយ​ Thanh Cong