នាវាក្ដោងលេខ ២៨៦ - Le Quy Don ចេញដំណើរទៅទស្សនកិច្ចនៅប្រទេសចិន និងហ្វីលីពីន

ដំណើរទស្សនកិច្ចនេះ រួមចំណែកពង្រឹងទំនាក់ទំនងមិត្តភាព កិច្ចសហប្រតិបត្តិការ ការយោគយល់គ្នា និងការជឿទុកចិត្តគ្នាទៅវិញទៅមករវាងកងទ័ពជើងទឹកប្រជាជនវៀតណាមជាមួយកងទ័ពជើងទឹកចិន និងហ្វីលីពីន។

ថ្នាក់ដឹកនាំវិទ្យាស្ថានកងទ័ពជើងទឹកជូនផ្កាក្រុមបេសកកម្មមុនពេលចេញដំណើរ

ក្នុងអំឡុងពេលនៅកំពង់ផែក្វាងចូវ (ប្រទេសចិន) និងទីក្រុងម៉ានីល (ហ្វីលីពីន) ក្រុមបេសកកម្មនឹងចូលជួបសម្តែងការគួរសមជាមួយថ្នាក់ដឹកនាំកងទ័ពជើងទឹកតំបន់យោធាភាគខាងត្បូង (កងទ័ពរំដោះប្រជាជនចិន) និងថ្នាក់ដឹកនាំនៃបញ្ជាការកងទ័ពជើងទឹកហ្វីលីពីន ព្រមទាំងទទួលស្វាគមន៍នាយទាហាន និងនាវិកនៃកងទ័ពជើងទឹកចិន និងហ្វីលីពីន ឡើងទស្សនានាវាក្ដោងលេខ ២៨៦ - Le Quy Don និងរៀបចំសកម្មភាពផ្លាស់ប្តូរវប្បធម៌ ប្រកួតកីឡា រៀបចំពិធីជប់លៀងជូនគណៈប្រតិភូកងទ័ពជើងទឹកនៃប្រទេសមិត្ដ រួមនឹងទស្សនាតំបន់ប្រវត្តិសាស្ត្រ និងវប្បធម៌មួយចំនួននៅមូលដ្ឋាន​ផងដែរ។

នាវាក្ដោងលេខ ២៨៦  - Le Quy Don ចេញដំណើរទៅទស្សនកិច្ចនៅប្រទេសចិន និងហ្វីលីពីន

ទន្ទឹមនឹងនោះ ក្រុមបេសកកម្មក៏បានរៀបចំហ្វឹកហ្វឺនតាមសមុទ្រសម្រាប់សិក្ខាកាមឆ្នាំចុងក្រោយ (ជំនាន់ទី៦៦) ដើម្បីលើកកម្ពស់សមត្ថភាពរៀបចំ ការបញ្ជា និងសម្របសម្រួលគ្នា រួមទាំងការប្រើប្រាស់ឧបករណ៍នៅលើនាវា និងជំនាញដោះស្រាយស្ថានការណ៍ក្នុងដែនសមុទ្រអន្តរជាតិផងដែរ៕

បកប្រែដោយ Pham Diep