ទីក្រុងហូជីមិញ និងហាណូយ ស្ថិតក្នុងក្រុមមជ្ឈមណ្ឌលកំណើនឈានមុខគេរបស់ពិភពលោក
កប.អនឡាញ - នាពេលថ្មីៗនេះ ក្រុមហ៊ុនសាជីវកម្មផ្ដល់យោបល់ ហិរញ្ញវត្ថុ និងសេវាកម្មអចលនៈទ្រព្យ Savills (ប្រទេសអង់គ្លេស) បានប្រកាសថា The Growth Hubs Index ដែលជាសន្ទស្សន៍ភ្ជាប់ជាមួយសន្ទស្សន៍ Savills Resilient Cities។ តាមនេះ ប្រទេសវៀតណាមមានទីក្រុងចំនួនពីរនៅក្នុងបញ្ជីមជ្ឈមណ្ឌលកំណើនឈានមុខគេទាំង១៥ នៅលើពិភពលោក។ ក្នុងនោះ ទីក្រុងហូជីមិញជាប់ចំណាត់ថ្នាក់លេខ២ និងទីក្រុងហាណូយជាប់ចំណាត់ថ្នាក់លេខ៦។
យោងតាម Savills សន្ទស្សន៍នេះមានតួនាទីព្យាករណ៍ពីសេដ្ឋកិច្ចនៃទីក្រុងចំនួន ២៣០ ដល់ឆ្នាំ ២០៣៣ ដើម្បីកំណត់ទីក្រុងដែលអភិវឌ្ឍយ៉ាងលឿនបំផុត។ ទីក្រុង Bengaluru ប្រទេសឥណ្ឌានាំមុខក្នុងក្រុមទីក្រុងអភិវឌ្ឍលឿន បន្ទាប់មកគឺទីក្រុងហូជីមិញនៃប្រទេសវៀតណាម។
    |
 |
|
ចំណាត់ថ្នាក់នៃទីក្រុងដែលមានកំណើនឈានមុខគេទាំង ១៥ (រូបថត៖ Savills Research) |
នេះជាទិន្នន័យនៃ Oxford Economics នៅកម្រិតទីក្រុង-ទីប្រជុំជន។ ការវាយតម្លៃផ្តោតលើក្រុមទីក្រុងដែលមាន GDP ឆ្នាំ២០២៣ ពី ៥០ ពាន់លានដុល្លារអាមេរិក ឡើងទៅ។
យោងតាម Savills កំណើននៃទីក្រុងហូជីមិញ ត្រូវបានជំរុញដោយការកើនឡើងនៃចំនួនគ្រួសារដែលមានប្រាក់ចំណូលខ្ពស់។ ទន្ទឹមនឹងនោះ ការអភិវឌ្ឍរបស់ទីក្រុងហាណូយ អាស្រ័យលើការកើនឡើងនៃទ្រព្យសម្បត្តិផ្ទាល់ខ្លួន និងការបើកទូលាយនៃវណ្ណៈកណ្តាល៕
បកប្រែដោយ Thuy Anh