អវកាសយានិកនារី Amanda Nguyen មានមោទនភាពចំពោះប្រភពដើមកំណើតវៀតណាមរបស់ខ្លួន

លោកស្រី Vo Thi Anh Xuan អនុប្រធានរដ្ឋ បានអបអរសាទរ និងលើកសរសើរលោកស្រី Amanda Nguyen ដែលបានក្លាយជាស្ត្រីដើមកំណើតវៀតណាមដំបូងគេ ដែលបានហោះចូលកាន់ទីអវកាស ប្រការនេះបង្ហាញពីស្មារតីនៃការខិតខំប្រឹងប្រែងដោយឥតឈប់ឈរ រួមចំណែករីកសាយភាយកម្លាំងចលករដល់ស្ត្រី និងយុវជនវៀតណាម។ លោកស្រី Vo Thi Anh Xuan អនុប្រធានរដ្ឋ បានអះអាងនូវគោលនយោបាយជាប់លាប់របស់វៀតណាមក្នុងការលើកកម្ពស់សមភាពយេនឌ័រ និងបង្កើតបរិយាកាសសុវត្ថិភាព និងយុត្តិធម៌សម្រាប់ស្ត្រី។ លោកស្រី Vo Thi Anh Xuan ក៏បានសង្កត់ធ្ងន់ថា វៀតណាមជានិច្ចកាលគោរព និងការពារសិទ្ធិស្របច្បាប់របស់ស្ត្រី។

លោកស្រី Vo Thi Anh Xuan អនុប្រធានរដ្ឋ ទទួលជួបអវកាសយានិកនារី Amanda Nguyen (រូបថត៖ vnanet.vn)

លោកស្រី Amanda Nguyen បានចែករំលែកនូវកិត្តិយស និងក្តីរំភើបចិត្តរបស់ខ្លួនដោយបានក្លាយជាស្ត្រីដើមកំណើតវៀតណាមដំបូងគេដែលបានហោះចូលកាន់ទីអវកាស ដោយបញ្ជាក់ថាសមិទ្ធផលទាំងអស់របស់លោកស្រីគឺអាស្រ័យដោយប្រភពដើមកំណើតវៀតណាមដែលគាត់តែងតែមានមោទនភាព។ និយាយរំលែកពីអារម្មណ៍របស់ខ្លួនខណៈពេលសម្លឹងមើលផែនដីពីលំហអាកាស លោកស្រី Amanda Nguyen បានបង្ហាញពីអារម្មណ៍ដ៏ជ្រាលជ្រៅរបស់ខ្លួនអំពីសេចក្តីស្រឡាញ់ និងការទទួលខុសត្រូវក្នុងការថែរក្សាផ្ទះរួមរបស់មនុស្សជាតិ ជាពិសេសក្តីស្នេហារបស់គាត់ចំពោះវៀតណាម។ លោកស្រី Amanda Nguyen បានអះអាងថា លោកស្រីជានិច្ចកាលនឹករលឹកអំពីវៀតណាមនិងទុកដាក់ក្នុងដួងចិត្តរបស់ខ្លួន ព្រមទាំងសន្យាថានឹងខិតខំប្រឹងប្រែងរួមចំណែកជំរុញកិច្ចសហប្រតិបត្តិការវិទ្យាសាស្ត្រនិងបច្ចេកវិទ្យា វៀតណាម-អាមេរិក ផ្តោតលើការបណ្តុះបណ្តាលធនធានមនុស្សលើវិស័យនេះ៕

បកប្រែដោយ Huyen Trang