កម្មករជាង ២១ លាននាក់មានការងារធ្វើ​នៅក្នុងវិស័យសេវាកម្ម

ក្នុងត្រីមាសទីពីរនៃឆ្នាំនេះ កម្មករមានការងារធ្វើនៅតំបន់ទីក្រុងគឺជាង ២០ លាននាក់ ហើយកម្មករនៅជនបទមានចំនួនជាង ៣១ លាននាក់ សុទ្ធតែកើនឡើងបើធៀបនឹងរយៈពេលដូចគ្នាកាលពីឆ្នាំមុន។ ទីផ្សារការងាររក្សាបានស្ថិរភាពនិងសន្ទុះកំណើនស្មើរគ្នានៅវិស័យទាំងអស់ សមាមាត្រការងារនៅក្នុងវិស័យឧស្សាហកម្មនិងសំណង់បានកើនឡើង។

ប្រាក់ចំណូលជាមធ្យមប្រចាំខែ របស់កម្មករក្នុងត្រីមាសទី ២ ឆ្នាំ ២០២៥ បើធៀបនឹងរយៈពេលដូចគ្នាកាលពីឆ្នាំមុន ដំណាក់កាល ២០២១-២០២៥ (រូបថត៖ នាយកដ្ឋានស្ថិតិទូទៅ)

លោកស្រី Nguyen Thi Thanh Mai អនុប្រធាននាយកដ្ឋានស្ថិតិចំនួនប្រជាជននិងកម្មករ (នាយកដ្ឋានស្ថិតិ) បានចាត់ទុកថា គោលនយោបាយសុខុមាលភាពសង្គម និងគ្រប់គ្រងការគាំទ្រកម្មករកំពុងមានសុពលភាពនិងប្រសិទ្ធភាពជាបណ្ដើរៗ៖ “ប្រាក់ចំណូលជាមធ្យមរបស់កម្មករបានកើនពី ៧.៥ លានដុង (៣០០ដុល្លារ) ក្នុងត្រីមាសទីពីរនៃឆ្នាំ២០២៤ ឡើងដល់ ៨.២ លានដុង (៣៣០ដុល្លារ) នៅក្នុងត្រីមាសទីពីរនៃឆ្នាំនេះ កើនឡើង ១០.៧%។ ការកើនឡើងនេះត្រូវបានកត់ត្រានៅគ្រប់តំបន់សេដ្ឋកិច្ច-សង្គមទូទាំងប្រទេស និងក្នុងវិស័យសេដ្ឋកិច្ចទាំងបីគឺ៖ កសិកម្ម រុក្ខាប្រមាញ់ និងនេសាទ ឧស្សាហកម្ម សំណង់ និងសេវាកម្ម ដែលការកើនឡើងគួរឲ្យចាប់អារម្មណ៍បំផុតគឺវិស័យសេវាកម្មដែលមាន ១១.៧%។ ប្រការនេះក៏បង្ហាញថា បញ្ហាសុខុមាលភាពសង្គម និងជីវភាពរបស់កម្មករក៏មានភាពប្រសើរឡើងផងដែរ”។

លទ្ធផលស្ថិតិការងារនៅក្នុងត្រីមាសទី ២ ក៏បង្ហាញថា អត្រាកម្មករដែលបានទទួលការបណ្តុះបណ្តាល មានសញ្ញាបត្រ និងវិញ្ញាបនបត្រ បានបន្តកើនឡើង ដោយឈានដល់ជាង ២៩% ។ នេះជាសញ្ញាវិជ្ជមានដើម្បីជួយបង្កើនផលិតភាពការងារ និងបង្កើនសមត្ថភាពប្រកួតប្រជែងនៃខឿនសេដ្ឋកិច្ច៕

តាម vovworld.vn