លើកកំពស់សមត្ថភាពផលិតវ៉ាក់សាំងនៅវៀតណាម

សិក្ខាសាលានេះគឺជាសកម្មភាពមួយក្នុងក្របខ័ណ្ឌនៃគម្រោង “គាំទ្រការទទួលវ៉ាក់សាំង និងសមត្ថភាពប្រព័ន្ធសុខាភិបាលសម្រាប់​វៀតណាមឆ្លើយតបទៅនឹង Covid-19” ដែលជួយឧបត្ថម្ភរដោយរដ្ឋាភិបាលជប៉ុនតាមរយៈ UNDP ក្នុងគោលបំណងបង្កើនការទទួលវ៉ាក់សាំង និងការបញ្ជាក់វ៉ាក់សាំង Covid-19 នៅវៀតណាម។

លោក Patrick Haverman អនុប្រធាន UNDP ប្រចាំវៀតណាមថ្លែងក្នុងសិក្ខាសាលា

ថ្លែងក្នុងសិក្ខាសាលានេះ លោក Patrick Haverman អនុប្រធាន UNDP ប្រចាំវៀតណាមបានឲ្យដឹងថា៖ នេះគឺជាឱកាសដ៏សំខាន់សម្រាប់វៀតណាមទទួលបានបច្ចេកវិទ្យា mRNA សម្រាប់ការផលិតវ៉ាក់សាំង។ ទោះជាយ៉ាងណាក៏ដោយ នេះក៏ទាមទារឱ្យមានការពិចារណាយ៉ាងយកចិត្តទុកដាក់លើជំហាន និងពេលវេលា ទំហំ និងប្រភពទុនវិនិយោគចាំបាច់ ក៏ដូចជាការអភិវឌ្ឍជំនាញដើម្បីធានាឲ្យបាននូវប្រសិទ្ធភាព និងនិរន្តរភាពហិរញ្ញវត្ថុនៃការផ្ទេរបច្ចេកវិទ្យា។

នៅក្នុងសិក្ខាសាលានេះ វាគ្មិនបានចែករំលែកការរកឃើញសំខាន់ៗនៃការសិក្សាស្រាវជ្រាវសំខាន់ៗចំនួន ៣ ដែលបានអនុវត្តក្នុងគម្រោង រួមមានទិដ្ឋភាពទូទៅនៃបទពិសោធន៍អន្តរជាតិលើការអភិវឌ្ឍ និងការផលិតវ៉ាក់សាំងក្នុងស្រុក សមត្ថភាពផលិត និងតម្រូវការផលិតវ៉ាក់សាំងនៅប្រទេសវៀតណាម លើកសំណើផែនទីបង្ហាញផ្លូវដើម្បីកសាងវៀតណាម ទៅជាមជ្ឈមណ្ឌលផលិតវ៉ាក់សាំងក្នុងតំបន់។

ទិដ្ឋភាពទូទៅនៃសិក្ខាសាលា

ដើម្បីឱ្យវៀតណាម ក្លាយជាមជ្ឈមណ្ឌលផលិតវ៉ាក់សាំងក្នុងតំបន់ យោងតាមលោកបណ្ឌិត Nguyen Khanh Phuong អនុប្រធាននៃវិទ្យាស្ថានយុទ្ធសាស្ត្រ និងគោលនយោបាយសុខាភិបាល វៀត​ណាមចាំបាច់គប្បីតែផ្តោតលើការអភិវឌ្ឍធនធានមនុស្សប្រកបដោយសមត្ថភាពក្នុងផលិតវ៉ាក់សាំង បង្កើតរោងចក្រផលិត GMP (ការអនុវត្តផលិតកម្មល្អ) ជាមួយនឹងការឆ្លើយតបទៅនឹងតម្រូវការក្នុងស្រុក និងនាំចេញ។

លើសពីនេះ វៀតណាមត្រូវតែលើកកម្ពស់ប្រព័ន្ធគ្រប់គ្រងគុណភាពឲ្យស្របតាមស្តង់ដារអន្តរជាតិ បន្តពង្រឹងប្រព័ន្ធនៃទីភ្នាក់ងារគ្រប់គ្រងវ៉ាក់សាំងជាតិ និងទទួលបានការបញ្ជាក់របស់អង្គការសុខភាពពិភពលោក (WHO) បង្កើតគោលនយោបាយពាក់ព័ន្ធ ដើម្បីជំរុញការស្រាវជ្រាវ និងផលិតវ៉ាក់សាំងសម្រាប់បំរើតម្រូវការក្នុងស្រុក និងនាំចេញ៕

បកប្រែដោយ Pham Diep