Phu Quoc ស្វាគមន៍នាវាទេសចរណ៍អន្តរជាតិដំបូងគេ បន្ទាប់ពីជំងឺរាតត្បាត COVID-19

នេះជានាវាទេសចរណ៍អន្តរជាតិដំបូងគេដែលមកដល់ទីក្រុង Phu Quoc បន្ទាប់ពីរងផលប៉ះពាល់ដោយការរាតត្បាតនៃជំងឺ​កូវីដ-១៩។

នាវាទេសចរណ៍អន្តរជាតិដំបូងគេបានមកដល់ Phu Quoc បន្ទាប់ពីការរាតត្បាតនៃ COVID-19 (រូបថត៖  vnanet.vn)

នាវា COSTA SERENA ស្ដង់ដារផ្កាយ ៥ ដែលផ្ទុកអ្នកទេសចរចំនួន ៣៥០០ នាក់មកពី ១៨ ប្រទេស ដែលភាគច្រើនជាភ្ញៀវទេសចរមកពីប្រទេសថៃ ម៉ាឡេស៊ី ឥណ្ឌូនេស៊ី និងប្រទេសអឺរ៉ុបមួយចំនួន និងនាវិកចំនួន ១០៥៦ នាក់។ តាមកម្មវិធី ភ្ញៀវទៅទស្សនា និងទិញទំនិញនៅតាម​តំបន់ទេសចរណ៍នានា​លើកោះ Phu Quoc។ នៅម៉ោង ៥:០០ ល្ងាចថ្ងៃដដែល នាវា​បានចាកចេញពី Phu Quoc ដោយបន្តដំណើរកម្សាន្តលើសមុទ្រ។

បន្ទាប់ពីរងផលប៉ះពាល់ដោយការរីករាលដាលនៃមេរោគ COVID-19 ការដែលនាវាទេសចរណ៍អន្តរជាតិទៅកាន់ Phu Quoc នឹងជួយឧស្សាហកម្មទេសចរណ៍ក្នុងស្រុកមានការអភិវឌ្ឍថ្មី។ នាបច្ចុប្បន្ន ខេត្ត Kien Giang កំពុងកែលម្អជាបន្ទាន់នូវកំពង់ផែសម្រាប់​អ្នកដំណើរអន្តរជាតិ Phu Quoc។ ទន្ទឹមនឹងនោះ ជំរុញការអនុវត្តវិទ្យាសាស្ត្រ និងបច្ចេកវិទ្យា កែទម្រង់បែបបទ កាត់បន្ថយពេលវេលានៃនីតិវិធីចូលប្រទេសសម្រាប់យានជំនិះ និងភ្ញៀវទេសចរណ៍ ព្រមទាំង​ជម្រុញ​ការបង្កើតផលិតផល និងសេវាកម្មដែលមានគុណភាពខ្ពស់ជាមួយនឹងម៉ាកដាច់ដោយឡែកដើម្បីទាក់ទាញភ្ញៀវអន្តរជាតិ៕

បកប្រែដោយ Duy Hoan