សហគ្រាសវៀតណាមជាច្រើនចូលរួមក្នុងការតាំងពិព័រណ៍ពាណិជ្ជកម្មនៅកម្ពុជា

ពិធីបើកការតាំងពិព័រណ៍ពាណិជ្ជកម្មអន្តរជាតិនៅកម្ពុជា

ព្រឹត្តិការណ៍នេះប្រព្រឹត្តទៅចាប់ពីថ្ងៃទី ១៧ ដល់ ១៩ ខែកញ្ញា នៅមជ្ឈមណ្ឌលសន្និបាត និងពិព័រណ៍កោះពេជ្រ  ក្នុងរាជធានីភ្នំពេញ ដែលមានផ្ទៃដីតាំងពិព័រណ៌ប្រមាណ ២.៥០០ ម៉ែត្រការ៉េ។ ការិយាល័យពាណិជ្ជកម្មនៃស្ថានទូតវៀតណាមប្រចាំនៅកម្ពុជា សម្របសម្រួលជាមួយក្រសួង ស្ថាប័ន និងអង្គភាពជាច្រើននៃប្រទេសកម្ពុជា ដើម្បីសហការរៀបចំ។

យោងតាមគណៈកម្មការរៀបចំព្រឹត្តិការណ៍ ពិព័រណ៍នេះគឺជាស្ពានតភ្ជាប់​ពាណិជ្ជកម្មដ៏ល្អមួយ ដើម្បីលើកកម្ពស់សកម្មភាពអាជីវកម្មជាក់ស្តែងរវាងសហគ្រាសក្នុង និងក្រៅប្រទេសកម្ពុជា ដែលនាំមកនូវការរួមចំណែកជាវិជ្ជមានដល់ការអភិវឌ្ឍសេដ្ឋកិច្ចកម្ពុជា។ សហគ្រាសវៀតណាមប្រហែល ៣០ បានចូលរួមដោយផ្ទាល់នៅក្នុងការតាំងពិពណ៌ ឬបានបញ្ជូនផលិតផលដើម្បីណែនាំនៅក្នុងព្រឹត្តិការណ៍នេះ។

លោក Nguyen Minh Vu ឯកអគ្គរដ្ឋទូតវៀតណាមប្រចាំនៅកម្ពុជា (កណ្ដាល) អញ្ជើញទស្សនាស្តង់នៅព្រឹត្តិការណ៍នេះ

ក្រៅពីការដាក់តាំងបង្ហាញផលិតផលនៅតាមស្តង់ ពិព័រណ៍ក៏បានទាក់ទាញអ្នកជំនាញឈានមុខគេក្នុងវិស័យ​ផ្សេងៗ ជាមួយនឹងសកម្មភាពជាច្រើនដែលរៀបចំក្នុងព្រឹត្តិការណ៍ ដូចជាសិក្ខាសាលា កិច្ច​ពិភាក្សានានា​ ដើម្បីផ្តល់ព័ត៌មានថ្មីៗអំពីទីផ្សារ និងចែករំលែកបទពិសោធន៍ជាក់ស្តែង នាំមកនូវទស្សនវិស័យជាយុទ្ធសាស្ត្រសម្រាប់ការអភិវឌ្ឍន៍អាជីវកម្ម៕

បកប្រែដោយ Duy Hoan