អនុមហាវិទ្យាល័យបច្ចេកទេសនៃកងទ័ពជើងទឹក បិទវគ្គបំប៉នបច្ចេកទេសសម្រាប់សិក្ខាកាមនៃកងទ័ពជើងទឹកកម្ពុជា

លោកវរសេនីយ៍ឯក Do Ngoc Hieu ថ្លែងក្នុងពិធី (រូបថត៖ baohaiquanvietnam.com.vn)

វគ្គបំប៉នបច្ចេកទេសបានប្រព្រឹត្ដទៅក្នុងរយៈពេល ៦ ខែ។ ក្នុងអំឡុងពេលសិក្សា សិក្ខាកាមទាំងអស់តែងតែលើកកម្ពស់ស្មារតីខិតខំប្រឹងប្រែង គោរពបទប្បញ្ញត្តិស្ដីពីការបណ្តុះបណ្តាល រក្សាសាមគ្គីភាព និងមិត្តភាពរវាងកងទ័ពជើងទឹកនៃប្រទេសទាំងពីរ។

ថ្លែងក្នុងពិធី លោកវរសេនីយ៍ឯក Do Ngoc Hieu បានវាយតម្លៃខ្ពស់ចំពោះការប្តេជ្ញាចិត្ត សាមគ្គីភាព ជំនះពុះពារលើការលំបាក និងសម្រេចបានលទ្ធផលខ្ពស់ក្នុងវគ្គបំប៉នបច្ចេកទេសរបស់សិក្ខាកាម។

លោកវរសេនីយ៍ឯក Do Ngoc Hieu  ប្រគល់សញ្ញាបត្រដល់សិក្ខាកាម (រូបថត៖ baohaiquanvietnam.com.vn)

លោកវរសេនីយ៍ឯក Do Ngoc Hieu ជឿជាក់យ៉ាងមុតមាំថា បន្ទាប់ពីបញ្ចប់ការសិក្សា និងត្រឡប់មកប្រទេសវិញ សិក្ខាកាមទាំងនេះនឹងប្រើប្រាស់ចំណេះដឹងដែលបានសិក្សានៅអនុមហាវិទ្យាល័យបច្ចេកទេសនៃកងទ័ពជើងទឹកវៀតណាម ក្នុងការបំពេញភារកិច្ចរបស់ខ្លួន ដើម្បីបម្រើប្រទេសជាតិ និងកងទ័ពជើងទឹកកម្ពុជា៕

បកប្រែដោយ Pham Diep