យោធភូមិភាគទី២ អនុវត្ដការងារធានាសន្តិសុខ និងសុវត្ថិភាពដល់កងទ័ពប្រជាជនឡាវ និងកងយោធពលខេមរភូមិន្ទកម្ពុជាដែលមកចូលរួមដង្ហែក្បួនព្យុះហយាត្រា

តាមរយៈការត្រួតពិនិត្យជាក់ស្តែង លោកឧត្តមសេនីយ៍ត្រី Nguyen Dang Khai បានកត់សម្គាល់ និងកោតសរសើរចំពោះស្មារតីទទួលខុសត្រូវ អង្គភាពនានានៃយោធភូមិភាគទី២ និងបញ្ជាការដ្ឋានយោធាខេត្ត Phu Tho ក្នុងការងារត្រៀមរៀបចំ។ លោកឧត្តមសេនីយ៍ត្រី Nguyen Dang បានស្នើឱ្យស្ថាប័ន និងអង្គភាពដឹកនាំកម្មាភិបាលនិងយុទ្ធជនរក្សាយ៉ាងតឹងរ៉ឹងនូវរបបប្រចាំការ ត្រៀមខ្លួនជាស្រេចដោះស្រាយស្ថានការណ៍ប្រកបដោយប្រសិទ្ធភាព និងធានាឲ្យបាននូវសុវត្ថិភាពដាច់ខាតសម្រាប់កងកម្លាំងចូលរួមដង្ហែក្បួនព្យុះហយាត្រារបស់ប្រទេសជាមិត្ត។

លោកឧត្តមសេនីយ៍ត្រី Nguyen Dang Khai ថ្លែងក្នុងការត្រួតពិនិត្យ

លោកឧត្តមសេនីយ៍ត្រី Nguyen Dang Khai បានសង្កត់ធ្ងន់ថា នេះជាកិច្ចការបរទេសផ្នែកការពារជាតិដ៏សំខាន់ រួមចំណែកដល់ភាពជោគជ័យនៃពិធីដង្ហែក្បួនព្យុះហយាត្រាក្នុងឱកាសអបអរសាទរខួបលើកទី ៨០ នៃទិវាបដិវត្តន៍ខែសីហា និងទិវាបុណ្យឯករាជ្យជាតិថ្ងៃទី២ កញ្ញា ព្រមទាំងបង្ហាញពីមនោសញ្ចេតនា ទំនួលខុសត្រូវ និងភាពរស់រាយរាក់ទាក់របស់កម្មាភិបាលនិងយុទ្ធជននៃយោធភូមិភាគទី ២ និយាយដោយឡែក និងកងទ័ព និងប្រជាជនវៀតណាមនិយាយរួម អាស្រ័យហេតុនេះ ស្ថាប័ននិងអង្គភាពនានាត្រូវបន្តពិនិត្យខ្លឹមសារការងារ និងសម្របសម្រួលគ្នាឲ្យមានប្រសិទ្ធភាព៕

បកប្រែដោយ Pham Diep