ខេត្ត An Giang ចុះហត្ថលេខាលើកិច្ចព្រមព្រៀងស្ដីពីការស្វែងរកអដ្ឋិធាតុយុទ្ធជនពលីជាមួយខេត្តចំនួន៦ នៃព្រះរាជាណាចក្រកម្ពុជា

នារសៀលថ្ងៃទី១០ ខែតុលា នៅខេត្តកែប គណៈកម្មការជំនាញខេត្ត An Giang និងគណៈកម្មការជំនាញខេត្តកែប បានប្រារព្ធពិធីចុះហត្ថលេខាលើកិច្ចសហប្រតិបត្តិការ។ លោក Le Trung Ho អនុប្រធានគណៈកម្មាធិការប្រជាជនខេត្ត ប្រធានគណៈកម្មការជំនាញខេត្ត An Giang និងលោក ប៊ុន យោង អភិបាលរងខេត្ត ប្រធានគណៈកម្មការជំនាញខេត្តកែប បានធ្វើជាសហប្រធានក្នុងពិធីចុះហត្ថលេខានេះ។

ទិដ្ឋភាពនៃពិធីចុះហត្ថលេខារវាងគណៈកម្មការជំនាញ An Giang និងគណៈកម្មការជំនាញខេត្តកែប (រូបថត៖ baoangiang.com.vn)

លោក Le Trung Ho បានចែករំលែកថា ការស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុរបស់យុទ្ធជនពលីនាពេលកន្លងមក ទទួលបានលទ្ធផលជាច្រើន ដោយសារទទួលបានកិច្ចសហការ និងជំនួយយ៉ាងជិតស្និទ្ធរបស់ថ្នាក់ដឹកនាំគ្រប់លំដាប់ថ្នាក់ អាជ្ញាធរ គណៈកម្មការជំនាញ កងកម្លាំងប្រដាប់អាវុធ និងប្រជាជនខេត្តកែប ក្នុងការប្រមូល ផ្តល់ព័ត៌មាន ណែនាំ និងជួយក្រុម K9។ លោក Le Trung Ho បានថ្លែងអំណរគុណយ៉ាងជ្រាលជ្រៅ និងសង្ឃឹមថា ថ្នាក់ដឹកនាំបក្ស អាជ្ញាធរ គណៈកម្មការជំនាញ និងប្រជាជនខេត្តកែប នឹងបន្តយកចិត្តទុកដាក់ដឹកនាំ សហការ ជួយគាំទ្រ និងបង្កើតលក្ខខណ្ឌអំណោយផលសម្រាប់ក្រុម K92 បន្តបំពេញភារកិច្ចស្វែងរក និងប្រមូលអដ្ឋិធាតុនៅខេត្តកែប។

លោក ប៊ុន យ៉ឿង បានវាយតម្លៃខ្ពស់ចំពោះកិច្ចសហប្រតិបត្តិការរវាងខេត្តកែប និងខេត្ត An Giang ក្នុងការស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតក្នុងសម័យសង្គ្រាមនៅកម្ពុជា។ លោកបានមានប្រសាសន៍ថា គណៈកម្មការជំនាញខេត្តកែប នឹងបន្តជួយគាំទ្រខេត្ត An Giang ក្នុងការបំពេញភារកិច្ចស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុយុទ្ធជនពលីនៅខេត្ត។

ក្នុងឱកាសនេះ ដោយទទួលសិទ្ធិពីគណៈកម្មការជំនាញរដ្ឋាភិបាលវៀតណាម គណៈកម្មការជំនាញ An Giang បានប្រគល់ថវិកាឧបត្ថម្ភដល់គណៈកម្មការជំនាញខេត្តកែប ក្នុងសកម្មភាពជួយក្រុម K៩២ ស្វែងរក និងប្រមូលអដ្ឋិធាតុកងទ័ពស្ម័គ្រចិត្តនិងអ្នកជំនាញវៀតណាម ដែលពលីជីវិតក្នុងសម័យសង្គ្រាមនៅខេត្តក្នុងរដូវប្រាំងឆ្នាំ ២០២៥ - ២០២៦៕

បកប្រែដោយ Thuy Anh