បញ្ជាការដ្ឋានយោធាខេត្ត Tay Ninh ទទួលគណៈប្រតិភូ កងយោធពលខេមរភូមិន្ទ អញ្ជើញចូលរួមព្យុហយាត្រា

គណៈប្រតិភូនៃកងយោធពលខេមរភូមិន្ទ ដែលមាននាយទាហានចំនួន១២០នាក់ បានធ្វើដំណើរតាមផ្លូវគោកឆ្លងកាត់ច្រកទ្វារព្រំដែនអន្តរជាតិម៉ុកបៃ។ ពេលមកដល់វៀតណាមភ្លាមៗ គណៈប្រតិភូត្រូវបានស្វាគមន៍យ៉ាងឧឡារិក ដែលបង្ហាញពីចំណងមិត្តភាព និងសាមគ្គីភាពរវាងកងកម្លាំងប្រដាប់អាវុធនៃប្រទេសទាំងពីរ។

រថយន្តនៃយោធភូមិភាគទី៧ បានដឹកនាយទាហាននៃកងយោធពលខេមរភូមិន្ទទៅកាន់ទីក្រុងហូជីមិញ

នាយទាហាននៃកងយោធពលខេមរភូមិន្ទចូលរួមព្យុហយាត្រា

គណៈប្រតិភូបញ្ជាការដ្ឋានយោធា ខេត្ត Tay Ninh ជូនផ្កាអបអរសាទរគណៈប្រតិភូនៃកងយោធពលខេមរភូមិន្ទ

តាងនាមគណៈកម្មាធិការបក្ស និងបញ្ជាការដ្ឋានយោធា ខេត្ត Tay Ninh លោកវរសេនីយ៍ឯក Ha Thanh Tuan មេបញ្ជាការរងនៃបញ្ជាការដ្ឋានយោធាខេត្ត បានស្វាគមន៍យ៉ាងកក់ក្តៅចំពោះគណៈប្រតិភូនៃកងយោធពលខេមរភូមិន្ទដែលបានចូលរួមក្នុងបេសកកម្ម A80។ នេះមិនត្រឹមតែជាសកម្មភាពផ្លាស់ប្តូរខាងយោធាប៉ុណ្ណោះទេ ប៉ុន្តែក៏ជាការបង្ហាញយ៉ាងរស់រវើកនៃចំណងសាមគ្គីភាព និងកិច្ចសហប្រតិបត្តិការលើគ្រប់វិស័យរវាងកងទ័ពប្រជាជនវៀតណាម និងកងយោធពលខេមរភូមិន្ទ។

បន្ទាប់ពីពិធីស្វាគមន៍ គណៈប្រតិភូបានបន្តដំណើរទៅកាន់ទីក្រុងហូជីមិញ និងត្រៀមខ្លួនជាស្រេចដើម្បីចូលរួមក្នុងកម្មវិធីហ្វឹកហាត់ អនុវត្តសកម្មភាពដង្ហែរក្បួនព្យុហយាត្រា ក្នុងឱកាសរំលឹកខួបលើកទី ៨០ នៃទិវាបុណ្យឯករាជ្យ នៃសាធារណរដ្ឋសង្គមនិយមវៀតណាម។

បកប្រែដោយ Duy Hoan