អគ្គនាយកដ្ឋានភស្តុភារនិងបច្ចេកទេសប្រជុំស្ដីពីការរៀបចំលំហាត់ហ្វឹកហ្វឺនពេទ្យយោធាក្នុងក្របខណ្ឌនៃជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជា
កប.អនឡាញ – នាព្រឹកថ្ងៃទី១៨ ខែកក្កដា ក្រុមបេសកកម្មនៃអគ្គនាយកដ្ឋានភស្តុភារ និងបច្ចេកទេស ក្រសួងការពារប្រទេសវៀតណាម បានរៀបចំកិច្ចប្រជុំត្រួតពិនិត្យ វាយតម្លៃតំបន់លំហាត់ហ្វឹកហ្វឺនពេទ្យយោធារវាងប្រទេសទាំងពីរក្នុងក្របខ័ណ្ឌនៃជំនួបប្រាស្រ័យមិត្តភាពការពារជាតិព្រំដែនវៀតណាម-កម្ពុជាលើកទី២ នៅយោធភូមិភាគទី៧។ លោកឧត្តមសេនីយ៍ត្រី Huynh Tan Hung អនុប្រធាននៃអគ្គនាយកដ្ឋានភស្តុភារ និងបច្ចេកទេសអញ្ជើញជាអធិបតីនៃកិច្ចប្រជុំ។
កិច្ចប្រជុំនេះ សំដៅវាយតម្លៃលក្ខខណ្ឌភស្តុភារ បច្ចេកទេស បរិក្ខារបម្រើលំហាត់ហ្វឹកហ្វឺន ទន្ទឹមនឹងនោះពិភាក្សា និងឯកភាពលើផែនការឲ្យសមស្របទៅនឹងស្ថានភាពជាក់ស្តែង លើកកំពស់សមត្ថភាពសម្របសម្រួលរវាងកងកម្លាំងពេទ្យយោធាវៀតណាម និងកម្ពុជាក្នុងសកម្មភាពជួយសង្គ្រោះ និងថែទាំវេជ្ជសាស្ត្រ។
    |
 |
|
លោកឧត្តមសេនីយ៍ត្រី Huynh Tan Hung អនុប្រធាននៃអគ្គនាយកដ្ឋានភស្តុភារនិងបច្ចេកទេសថ្លែងក្នុងកិច្ចប្រជុំ (រូបថត៖ baoquankhu7.vn) |
ថ្លែងក្នុងកិច្ចប្រជុំ លោកឧត្តមសេនីយ៍ត្រី Huynh Tan Hung ស្នើឱ្យស្ថាប័ននិងអង្គភាពនានាត្រូវត្រៀមរៀបចំឲ្យបានល្អ ធានាឲ្យលំហាត់ហ្វឹកហ្វឺនរួមគ្នាមានសុវត្ថិភាព ប្រសិទ្ធភាព និងសម្រេចបានគោលដៅដែលបានកំណត់។ លោកឧត្តមសេនីយ៍ត្រី Huynh Tan Hung ស្នើឱ្យយោធភូមិភាគទី៧ រៀបចំផែនការហ្វឹកហ្វឺនលម្អិត រៀបចំការហ្វឹកហ្វឺនបានល្អ និងធានាយ៉ាងពេញលេញនូវភស្តុភារ - បច្ចេកទេសសម្រាប់កងកម្លាំងចូលរួម។
លំហាត់ហ្វឹកហ្វឺនរួមគ្នាលើកនេះមិនត្រឹមតែរួមចំណែកលើកកំពស់សមត្ថភាពវិជ្ជាជីវៈរបស់កងកម្លាំងពេទ្យយោធានៃប្រទេសទាំងពីរប៉ុណ្ណោះទេ ថែមទាំងបង្ហាញនូវស្មារតីសាមគ្គីភាព និងកិច្ចសហប្រតិបត្តិការលើវិស័យការពារជាតិរវាងកងទ័ពប្រជាជនវៀតណាម និងកងយោធពលខេមរភូមិន្ទកម្ពុជាទៀតផង ដើម្បីសន្តិភាព ស្ថិរភាព និងការអភិវឌ្ឍប្រកបដោយចីរភាពនៅតំបន់ព្រំដែន៕
បកប្រែដោយ Thanh Cong