ការវិនិយោគលើអ្នកវិទ្យាសាស្ត្រវ័យក្មេងគឺជាការវិនិយោគជាយុទ្ធសាស្ត្រសម្រាប់អនាគតនៃប្រទេសវៀតណាម និងចិន

លោក To Lam អគ្គលេខាបក្ស ប្រធានរដ្ឋ ថ្លែងសុន្ទរកថានៅក្នុងវេទិកា

ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋទៅកាន់ប្រទេសចិន នៅរសៀលថ្ងៃទី ១៤ ខែមេសា ម៉ោងក្នុងស្រុក នៅទីក្រុងប៉េកាំង លោក To Lam អគ្គលេខាបក្ស និងជាប្រធានរដ្ឋ បានអញ្ជើញចូលរួម «វេទិកាវៀតណាម-ចិន ស្តីពីកិច្ចសហប្រតិបត្តិការអប់រំកម្រិតឧត្តមសិក្សា វិទ្យាសាស្ត្របច្ចេកវិទ្យា និងនវានុវត្តន៍» និងបានថ្លែងសុន្ទរកថាដ៏សំខាន់មួយនៅសាកលវិទ្យាល័យស៊ីងហួ។

ថ្លែងសុន្ទរកថានៅទីនោះ លោកអគ្គលេខាបក្ស និងជាប្រធានរដ្ឋ បានសង្កត់ធ្ងន់ថា វៀតណាមយកចិត្តទុកដាក់ជាពិសេសចំពោះការអប់រំ ការបណ្តុះបណ្តាល និងការអភិវឌ្ឍធនធានមនុស្សដែលមានគុណភាពខ្ពស់។ ដូច្នេះ វៀតណាមយកចិត្ត​ទុកដាក់យ៉ាងខ្លាំង​លើ​ការបញ្ជូនយុវជនទៅសិក្សាស្រាវជ្រាវនៅតាមមជ្ឈមណ្ឌលចំណេះដឹង និងបច្ចេកវិទ្យាឈានមុខគេនៅលើពិភពលោក។

លោក To Lam អគ្គលេខាបក្ស ប្រធានរដ្ឋ និងប្រតិភូ

លោកអគ្គលេខាបក្ស និងជាប្រធានរដ្ឋ មានប្រសាសន៍ថា វិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តឌីជីថល គួរតែក្លាយជាចំណុចលេចធ្លោថ្មីនៅក្នុងទំនាក់ទំនងវៀតណាម-ចិន...វៀតណាមយកចិត្តទុកដាក់ជាពិសេសចំពោះកិច្ចសហប្រតិបត្តិការជាមួយចិនក្នុងវិស័យដែលភាគីទាំងពីរអាចជួយគ្រាំគ្នាទៅវិញទៅមក និងអភិវឌ្ឍរួមគ្នា ជាពិសេសបញ្ញាសិប្បនិម្មិត ទិន្នន័យធំ semiconductors និងស្វ័យប្រវត្តិកម្ម...

លោកអគ្គលេខាបក្ស និងជាប្រធានរដ្ឋ អញ្ជើញទស្សនកិច្ច​នៅសាកលវិទ្យាល័យស៊ីងហួ

លោកអគ្គលេខាបក្ស និងជាប្រធានរដ្ឋ បានសង្កត់ធ្ងន់ថា៖ «នៅក្នុងការតម្រង់ទិសនោះ ការអប់រំ ការបណ្តុះបណ្តាល និងការអភិវឌ្ឍធនធានមនុស្សដែលមានគុណភាពខ្ពស់ ត្រូវតែជាអាទិភាពចម្បង។ ដើម្បីឈានទៅមុខយ៉ាងឆាប់រហ័សនៅក្នុងសតវត្សរ៍ទី ២១ វៀតណាមត្រូវការមនុស្សជំនាន់ថ្មីដែលមានមូលដ្ឋានគ្រឹះវិទ្យាសាស្ត្ររឹងមាំ មានសមត្ថភាពប្រើប្រាស់បច្ចេកវិទ្យាទំនើប មានការគិតប្រកបដោយភាពច្នៃប្រឌិត និងមានសមត្ថភាពក្នុងការធ្វើសមាហរណកម្មអន្តរជាតិ។ វៀតណាមសង្ឃឹមថា និស្សិត អ្នកស្រាវជ្រាវ និងអ្នកវិទ្យាសាស្ត្រវ័យក្មេងរបស់ខ្លួនកាន់តែច្រើនឡើងៗ នឹងសិក្សា និងធ្វើការស្រាវជ្រាវនៅមជ្ឈមណ្ឌលបណ្តុះបណ្តាល និងស្រាវជ្រាវឈានមុខគេនៅក្នុងប្រទេសចិន រួមទាំងសាកលវិទ្យាល័យស៊ីងហួរផងដែរ។

ខ្ញុំក៏សង្ឃឹមផងដែរថា សាកលវិទ្យាល័យស៊ីងហួរ នឹងបន្តពង្រីកកិច្ចសហប្រតិបត្តិជាមួយសាកលវិទ្យាល័យ និងវិទ្យាស្ថានស្រាវជ្រាវរបស់​វៀតណាម បង្កើនការផ្លាស់ប្តូរនិស្សិត ការផ្លាស់ប្តូរអ្នកប្រាជ្ញ មានកម្មវិធីបណ្តុះបណ្តាលរួមគ្នា សហប្រតិបត្តិការស្រាវជ្រាវ និងបង្កើតកម្មវិធីណែនាំរួមគ្នា ក្រុមស្រាវជ្រាវរួមគ្នា និងមន្ទីរពិសោធន៍រួមគ្នានៅក្នុងវិស័យសំខាន់ៗ។ ខ្ញុំជឿជាក់ថា ការវិនិយោគលើមនុស្ស ការវិនិយោគលើការអប់រំ និងការវិនិយោគលើអ្នកវិទ្យាសាស្ត្រវ័យក្មេង គឺជាការវិនិយោគជាយុទ្ធសាស្ត្រសម្រាប់អនាគតនៃទំនាក់ទំនងទ្វេភាគី»៕

បកប្រែដោយ Duy Hoan