បញ្ជាការដ្ឋានយោធាខេត្ត Long An ជូនពរឆ្នាំថ្មីនៅខេត្តព្រៃវែង

បញ្ជាការដ្ឋានយោធាខេត្ត Long An ជូនអំណោយដល់តំបន់ប្រតិបត្តិការសឹករងព្រៃវែង

តាងនាមគណៈកម្មាធិការបក្ស និងបញ្ជាការដ្ឋានយោធាខេត្ត Long An លោកវរសេនីយ៍ឯក Tran Dinh Hung សម្ដែងនូវការយកចិត្តទុកដាក់ខ្ពស់ដល់ទំនាក់ទំនងសហប្រតិបត្តិការល្អរវាងបញ្ជាការដ្ឋានយោធាខេត្ត Long An និងបណ្ដាអង្គភាពយោធានៅខេត្តព្រៃវែង។ លោកក៏បានវាយតម្លៃខ្ពស់ចំពោះកិច្ចសហការយ៉ាងជិតស្និទ្ធរវាងភាគីទាំងពីរក្នុងការថែរក្សាសន្តិសុខតាមព្រំដែន ទប់ស្កាត់បទល្មើស ធានាស្ថិរភាព សន្តិភាព កិច្ចសហប្រតិបត្តិការ និងការអភិវឌ្ឍសម្រាប់ប្រជាជននៃប្រទេសទាំងពីរ។

បញ្ជាការដ្ឋានយោធាខេត្ត Long An ប្រគល់អំណោយដល់បញ្ជាការដ្ឋានកងរាជអាវុធហត្ថខេត្តព្រៃវែង

តំណាងបញ្ជាការដ្ឋានកងរាជអាវុធហត្ថ និងតំបន់ប្រតិបត្តិការសឹករងព្រៃវែង បានថ្លែងអំណរគុណយ៉ាងជ្រាលជ្រៅចំពោះមនោសញ្ចេតនា និងការគាំទ្រដ៏មានតម្លៃដែលបញ្ជាការដ្ឋានយោធាខេត្ត Long An បានផ្តល់ជូនអង្គភាពទាំងពីរក្នុងរយៈពេលជាច្រើនកន្លងមក។ ទន្ទឹមនឹងនោះ ភាគីទាំងពីរបានប្តេជ្ញាបន្តរក្សា និងរឹតបន្តឹងថែមទៀតនូវទំនាក់ទំនងសហប្រតិបត្តិការក្នុងវិស័យការពារជាតិ សន្តិសុខ និងដោះស្រាយបញ្ហាទាក់ទងនឹងព្រំដែន។

ក្នុងឱកាសពិធីបុណ្យចូលឆ្នាំថ្មីប្រពៃណីជាតិរបស់ប្រជាជនកម្ពុជា លោកវរសេនីយ៍ឯក Tran Dinh Hung បានជូនពរឆ្នាំថ្មី និងជូនអំណោយដល់នាយទាហាន នាយទាហានរង និងពលទាហាននៃអង្គភាពទាំងពីរ៕

បកប្រែដោយ Thanh Cong