លោកនាយឧត្តមសេនីយ៍ Trinh Van Quyet បានស្វាគមន៍គណៈប្រតិភូនៃអគ្គនាយកដ្ឋានការងារសតិអារម្មណ៍ ក្រសួងការពារជាតិបេឡារុស មកចូលរួមពិធីរំលឹកខួបលើកទី ៨០ នៃបដិវត្តខែសីហា និងទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម ព្រមទាំងអះអាងថា ដំណើរទស្សនកិច្ចនេះមានអត្ថន័យដ៏សំខាន់ បង្ហាញពីការគាំទ្រ និងការយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាព និងប្រពៃណីល្អរវាងប្រជាជននៃប្រទេសទាំងពីរ និងកងទ័ពទាំងពីរ។

leftcenterrightdel
លោកនាយឧត្តមសេនីយ៍ Trinh Van Quyet និងលោកឧត្តមសេនីយ៍ត្រី Kasinski Leanid Viktorovich

លោកនាយឧត្តមសេនីយ៍ Trinh Van Quyet បានអះអាងថា វៀតណាមដឹងគុណ និងចងចាំជានិច្ចនូវការជួយឧបត្ថម្ភដ៏ធំធេង និងអស់ពីចិត្ត ដែលប្រជាជនបេឡារុសបានផ្តល់ជូនវៀតណាមក្នុងការតស៊ូដើម្បីឯករាជ្យ និងការបង្រួបបង្រួមប្រទេសជាតិកាលពីមុន និងក្នុងបុព្វហេតុកសាង និងការពារមាតុភូមិសង្គមនិយមវៀតណាមបន្ទាប់មក។ ដោយដឹងគុណចំពោះការជួយឧបត្ថម្ភដ៏មានតម្លៃនោះ ក្រសួងការពារប្រទេសវៀតណាមបានសាងសង់រូបសំណាកអ្នកជំនាញយោធាសហភាពសូវៀត (រួមទាំងអ្នកជំនាញយោធាបេឡារុស្ស) ក្នុងបរិវេណសារមន្ទីរប្រវត្តិសាស្ត្រយោធាវៀតណាម រួមចំណែកពូនជ្រំទំនាក់ទំនងមិត្តភាពជាប្រពៃណីរវាងប្រទេសទាំងពីរ និងកងទ័ពទាំងពីរ។

leftcenterrightdel
លោកនាយឧត្តមសេនីយ៍ Trinh Van Quyet ផ្លាស់ប្តូរជាមួយលោកឧត្តមសេនីយ៍ត្រី Kasinski Leanid Viktorovich

លោកឧត្តមសេនីយ៍ត្រី Kasinski Leanid Viktorovich បានសម្តែងនូវសេចក្តីរីករាយដែលបានមកបំពេញទស្សនកិច្ចនៅវៀតណាម និងចូលរួមពិធីរំលឹកខួបលើកទី ៨០ នៃបដិវត្តខែសីហា និងទិវាបុណ្យឯករាជ្យជាតិទី២ ខែកញ្ញា ព្រមទាំងចែករំលែកនូវចំណាប់អារម្មណ៍យ៉ាងជ្រាលជ្រៅចំពោះភាពអង់អាចក្លាហានរបស់ប្រជាជនវៀតណាម ហើយបានវាយតម្លៃខ្ពស់ចំពោះការដឹងគុណរបស់វៀតណាមចំពោះយុទ្ធជនពិការ យុទ្ធជនពលី និងអ្នកមានគុណូបការៈចំពោះបដិវត្តន៍។

លោកឧត្តមសេនីយ៍ត្រី Kasinski Leanid Viktorovich បានទទួលស្គាល់ និងសម្តែងនូវសេចក្តីរីករាយចំពោះលទ្ធផលវិជ្ជមានក្នុងកិច្ចសហប្រតិបត្តិការលើវិស័យការពារជាតិ វៀតណាម-បេឡារុស្ស ក្នុងរយៈពេលកន្លងមក ហើយជឿជាក់ថា ទំនាក់ទំនងរវាងប្រទេសទាំងពីរនឹងអភិវឌ្ឍបន្ថែមទៀត ជាពិសេសបន្ទាប់ពីការតម្លើងទំនាក់ទំនងទៅជាភាពជាដៃគូយុទ្ធសាស្ត្រ៕

បកប្រែដោយ Huyen Trang