គណៈប្រតិភូក្រសួងការពារជាតិនៃបណ្តាប្រទេសទៅទស្សនាសារមន្ទីរប្រវត្តិសាស្ត្រយោធាវៀតណាម

គណៈប្រតិភូក្រសួងកងកម្លាំងប្រដាប់អាវុធបដិវត្តន៍គុយបា ដឹកនាំដោយលោកឧត្តមសេនីយ៍ឯក Álvaro López Miera រដ្ឋមន្ត្រីក្រសួងកងកម្លាំងប្រដាប់អាវុធបដិវត្តន៍គុយបា។ អញ្ជើញចូលរួមក៏មានលោកឧត្តមសេនីយ៍ឯក Nguyen Truong Thang សមាជិកគណៈកម្មាធិការមជ្ឈិមបក្ស និងជាអនុរដ្ឋមន្ត្រីក្រសួងការពារប្រទេសវៀតណាម។

លោកឧត្តមសេនីយ៍ឯក Álvaro López Miera និងលោកឧត្តមសេនីយ៍ឯក Nguyen Truong Thang ជាមួយប្រតិភូនៅរូបសំណាកគោរពវិញ្ញាណក្ខន្ធអ្នកជំនាញយោធាគុយបា

គណៈប្រតិភូក្រសួងការពារជាតិអាស៊ែបៃហ្សង់ ដឹកនាំដោយលោកឧត្តមសេនីយ៍ឯក Zakir Hasanov រដ្ឋមន្ត្រីក្រសួងការពារជាតិអាស៊ែបៃហ្សង់។ អញ្ជើញចូលរួមក៏មានលោកឧត្តមសេនីយ៍ទោ Do Xuan Tung អនុប្រធានអគ្គស្នងការដ្ឋាននយោបាយនៃកងទ័ពប្រជាជនវៀតណាម។

លោកឧត្តមសេនីយ៍ឯក Álvaro López Miera និងលោកឧត្តមសេនីយ៍ឯក Nguyen Truong Thang ជួបប្រាស្រ័យជាមួយប្រតិភូគុយបា និងវៀតណាម

គណៈប្រតិភូក្រសួងការពារជាតិសហព័ន្ធរុស្ស៊ីដឹកនាំដោយលោកឧត្តមសេនីយ៍ឯក Alexander Vasilyevich Fomin អនុរដ្ឋមន្ត្រីក្រសួងការពារជាតិសហព័ន្ធរុស្ស៊ី។

គណៈប្រតិភូក្រសួងការពារជាតិបេឡារុស្សដឹកនាំដោយលោកឧត្តមសេនីយ៍ត្រី Kasinski Leanid Viktorovich ជំនួយការរដ្ឋមន្ត្រីក្រសួងការពារជាតិស្តីពីការងារសតិអារម្មណ៍ អគ្គនាយកនៃអគ្គនាយកដ្ឋានការងារសតិអារម្មណ៍នៃក្រសួងការពារជាតិបេឡារុស្ស។

លោកឧត្តមសេនីយ៍ឯក Zakir Hasanov និងលោកឧត្តមសេនីយ៍ទោ Do Xuan Tung រួមជាមួយប្រតិភូអាស៊ែបៃហ្សង់ និងវៀតណាមក្នុងពិធីរំលឹកវិញ្ញាណក្ខន្ធ

ក្នុងប្រវត្តិសាស្ត្រនៃការតស៊ូដើម្បីឯករាជ្យជាតិ និងការបង្រួបបង្រួមប្រទេសជាតិ ប្រជាជនវៀតណាមតែងតែទទួលបានជំនួយដ៏ស្មោះស្ម័គ្រ និងប្រកបដោយប្រសិទ្ធភាពពីបណ្តាប្រទេស និងមិត្តអន្តរជាតិ ជាពិសេសគុយបា សហភាពសូវៀត (សហព័ន្ធរុស្ស៊ីនាសព្វថ្ងៃ) ចិន ឡាវ កម្ពុជា ដែលជាសមមិត្ត និងមិត្តដែលបានលះបង់កម្លាំងទ្រព្យសម្បត្តិ និងសូម្បីតែឈាមស្រស់ដើម្បីឯករាជ្យ និងសន្តិភាពរបស់វៀតណាម។

គណៈប្រតិភូក្រសួងការពារជាតិសហព័ន្ធរុស្ស៊ី និងវៀតណាមនៅរូបសំណាកគោរពវិញ្ញាណក្ខន្ធអ្នកជំនាញយោធាសហភាពសូវៀត

រូបសំណាកគោរពវិញ្ញាណក្ខន្ធអ្នកជំនាញយោធាគុយបា និងសហភាពសូវៀត មានទីតាំងនៅក្នុងតំបន់ដែលជានិមិត្តរូបនៃចំណងសាមគ្គីភាព មិត្តភាព និងសម្តែងនូវការដឹងគុណអន្តរជាតិ នៅក្នុងមណ្ឌលពិព័រណ៍ខាងក្រៅនៃសារមន្ទីរប្រវត្តិសាស្ត្រយោធាវៀតណាម ដែលមានរូបសំណាកចំនួន ៥ របស់ប្រទេសគុយបា សហភាពសូវៀត ចិន ឡាវ និងកម្ពុជា។ នេះគឺជាគម្រោងមួយដែលមានតម្លៃប្រវត្តិសាស្រ្ត វប្បធម៌ និងនយោបាយយ៉ាងស៊ីជ្រៅ ដែលជានិមិត្តរូបដ៏រស់រវើកនៃស្មារតីសាមគ្គីភាពអន្តរជាតិដ៏បរិសុទ្ធ ស្មោះត្រង់។ វៀតណាមជានិច្ចកាលគោរព និងដឹងគុណចំពោះការគាំទ្រដ៏ធំធេងរបស់មិត្តអន្តរជាតិ ព្រមទាំងយកចិត្តទុកដាក់យ៉ាងខ្លាំងចំពោះការរក្សា ពង្រឹង និងពង្រីកទំនាក់ទំនងមិត្តភាពជាមួយបណ្តាប្រទេសភាតរភាព និងមិត្តអន្តរជាតិ ដើម្បីពិភពលោកប្រកបដោយសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាព។

* បន្ទាប់ពីដាក់កម្រងផ្កានៅរូបសំណាក គណៈប្រតិភូនៃបណ្តាប្រទេសបានទស្សនាសារមន្ទីរប្រវត្តិសាស្ត្រយោធាវៀតណាម៕

បកប្រែដោយ Huyen Trang