លោកនាយឧត្តមសេនីយ៍ Phan Van Giang ទទួលជួបឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា

ក្នុងជំនួបនោះ លោកនាយឧត្តមសេនីយ៍ Phan Van Giang បានថ្លែងអំណរគុណយ៉ាងជ្រាលជ្រៅចំពោះលោកឧបនាយករដ្ឋមន្ត្រី និងជារដ្ឋមន្ត្រី ទៀ សីហា ដែលបានទទួលយកការអញ្ជើញចូលរួម និងបញ្ជូនយោធិននៃកងយោធពលខេមរភូមិន្ទ មកចូលរួមព្យុហយាត្រានៅក្នុងពិធីនេះ។ លោកនាយឧត្តមសេនីយ៍ Phan Van Giang បានសង្កត់ធ្ងន់ថា ពិធីនេះគឺជាព្រឹត្តិការណ៍ដ៏អស្ចារ្យមួយ ដែលត្រូវបានរៀបចំឡើងក្នុងលក្ខណៈថ្នាក់ជាតិ ដើម្បីសម្តែងការដឹងគុណយ៉ាងជ្រាលជ្រៅចំពោះលោកប្រធានហូជីមិញ បុព្វបុរសបដិវត្តន៍ យុទ្ធជនពលី និងប្រជាជនដែលបានពលីកម្មដើម្បីឯករាជ្យភាព និងសេរីភាពរបស់វៀតណាម។ ជ័យជំនះនៃបដិវត្តន៍ខែសីហា ក៏ជាជ័យជំនះទូទៅរបស់ប្រជាជនគ្រប់ជនជាតិដែលរងការជិះជាន់ និងកេងប្រវ័ញ្ច ដោយអាណានិគមនិយម និងចក្រពត្តិនិយម។

លោកនាយឧត្តមសេនីយ៍ Phan Van Giang បានទទួលជួប លោកនាយឧត្តមសេនីយ៍ ទៀ សីហា នៅទីស្នាក់ការក្រសួងការពារជាតិ

លោកនាយឧត្តមសេនីយ៍ Phan Van Giang បានថ្លែងអំណរគុណចំពោះការគាំទ្រ និងជំនួយរបស់កម្ពុជា និងមិត្តអន្តរជាតិ ប្រជាជនរីកចម្រើនជុំវិញពិភពលោកចំពោះបុព្វហេតុបដិវត្តន៍របស់វៀតណាម។ លោកសង្កត់ធ្ងន់ថា ការដែលក្រសួងការពារប្រទេសវៀតណាម កសាងស្តូបសម្តែងការដឹងគុណរចំពោះយុទ្ធជនកម្ពុជា និងប្រទេសមិត្ត (សហភាពសូវៀត គុយបា ចិន និងឡាវ) គឺជាការបង្ហាញយ៉ាងច្បាស់នូវទំនាក់ទំនងជិតស្និទ្ធ រវាងប្រទេសទាំងពីរ និងកងទ័ពទាំងពីរ។ លោកអះអាងថា វៀតណាមជានិច្ចកាលយកចិត្តទុកដាក់ក្នុងការពង្រឹង និងអភិវឌ្ឍន៍ជានិច្ចនូវទំនាក់ទំនងភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ និរន្តរភាពយូរអង្វែងជាមួយកម្ពុជា និងគាំទ្រកម្ពុជាឯករាជ្យ សន្តិភាព ការអភិវឌ្ឍ ដែលដើរតួនាទីកាន់តែខ្ពស់នៅលើឆាកអន្តរជាតិ។

លោកនាយឧត្តមសេនីយ៍ Phan Van Giang ជួបពិភាក្សាការងារជាមួយ លោកនាយឧត្តមសេនីយ៍ ទៀ សីហា

ក៏ក្នុងជំនួបនោះដែរ លោកនាយឧត្តមសេនីយ៍ Phan Van Giang បានមានប្រសាសន៍ថា នាពេលថ្មីៗនេះ កិច្ចសហប្រតិបត្តិការលើវិស័យការពារជាតិរវាងវៀតណាម និងកម្ពុជាទទួលបានលទ្ធផលសំខាន់ៗ និងប្រសិទ្ធភាពជាច្រើន ដែលត្រូវបានថ្នាក់ដឹកនាំជាន់ខ្ពស់នៃប្រទេសទាំងពីរទទួលស្គាល់ថាជាសសរស្តម្ភសំខាន់មួយក្នុងទំនាក់ទំនងទ្វេភាគី។ លោកបានស្នើឱ្យភាគីទាំងពីរបន្តសម្របសម្រួលដើម្បីអនុវត្តប្រកបដោយប្រសិទ្ធភាពនូវខ្លឹមសារនៃពិធីសារសហប្រតិបត្តិការរយៈពេល ២០២៥-២០២៩ និងផែនការសហប្រតិបត្តិការប្រចាំឆ្នាំរវាងក្រសួងការពារជាតិទាំងពីរ។

ទិដ្ឋភាពនៃជំនួប

លោកនាយឧត្តមសេនីយ៍ ទៀ សីហា បានថ្លែងអំណរគុណចំពោះលោកនាយឧត្តមសេនីយ៍ Phan Van Giang ដែលបានចំណាយពេលទទួលជួបលោក ហើយទន្ទឹមនឹងនោះក៏បានផ្ញើសារអបអរសាទរក្នុងឱកាសរំលឹកខួបលើកទី ៨០ នៃទិវាបុណ្យឯករាជ្យជាតិវៀតណាម និងបានសម្តែងការចាប់អារម្មណ៍ចំពោះទឹកចិត្តស្នេហាជាតិរបស់ប្រជាជនវៀតណាម។ លោកនាយឧត្តមសេនីយ៍ ទៀ សីហា ក៏បានបញ្ជាក់ដែរថា កម្ពុជាយកចិត្តទុកដាក់ និងមានបំណងចង់បន្តជំរុញទំនាក់ទំនងរវាងប្រទេស និងកងទ័ពទាំងពីរឱ្យកាន់តែរីកចម្រើនទៅមុខ៕

បកប្រែដោយ Duy Hoan