គណៈកម្មាធិការដឹកនាំលេខ ៥១៥ នៃខេត្ត Long An បំពេញទស្សនកិច្ចនៅយោធភូមិភាគពិសេស កងយោធពលខេមរភូមិន្ទ

ភាគីទាំងពីរបានឯកភាពថា ក្នុងរយៈពេលប៉ុន្មានឆ្នាំកន្លងមកនេះ ទំនាក់ទំនងសហប្រតិបត្តិការរវាងគណៈកម្មការដឹកនាំលេខ ៥១៥ ខេត្ត Long An និងយោធភូមិភាគពិសេស ត្រូវបានរក្សា ពង្រីកស្មារតីសាមគ្គីភាព។ ជារៀងរាល់ឆ្នាំ ខេត្ត Long An និងយោធភូមិភាគពិសេស បញ្ជូនគណៈប្រតិភូទៅសួរសុខទុក្ខ ជូនពរឆ្នាំថ្មី ផ្លាស់ប្តូរ និងសហការបំពេញភារកិច្ចស្វែងរក និងប្រមូលអដ្ឋិធាតុយុទ្ធជនវៀតណាម ដែលពលីជីវិតក្នុងសម័យសង្គ្រាមនៅរាជធានីភ្នំពេញ។

ទិដ្ឋភាពនៃកិច្ចប្រជុំ

លោកអនុប្រធានគណៈកម្មាធិការប្រជាជនខេត្ត Long An បានថ្លែងអំណរគុណចំពោះបញ្ជាការដ្ឋានយោធភូមិភាគពិសេស ដែលតែងតែយកចិត្តទុកដាក់ពូនជ្រំទំនាក់ទំនងជិតស្និទ្ធជាមួយខេត្ត Long An ហើយជឿជាក់ថា នាពេលខាងមុខទំនាក់ទំនងមិត្តភាពជាប្រពៃណីដ៏ល្អរវាងភាគីទាំងពីរនឹងមានការអភិវឌ្ឍបន្ថែមទៀត។ ទន្ទឹមនឹងនោះ លោកអនុប្រធានគណៈកម្មាធិការប្រជាជនខេត្ត សង្ឃឹមថា យោធភូមិភាគពិសេសនឹងសហការយ៉ាងជិតស្និទ្ធជាមួយខេត្ត Long An ក្នុងការស្វែងរក និងប្រមូលអដ្ឋិធាតុកងទ័ពស្ម័គ្រចិត្តវៀតណាមដែលបានពលីជីវិតក្នុងសម័យសង្គ្រាម និងទទួលបានលទ្ធផលល្អថែមទៀតនាពេលខាងមុខ។

ក្នុងឱកាសនេះ គណៈកម្មាធិការដឹកនាំលេខ ៥១៥ Long An បានជូនអំណោយអបអរសាទរឆ្នាំថ្មីប្រពៃណីជាតិដល់យោធភូមិភាគពិសេស និងទៅទស្សនាផ្ទះប្រពៃណីអង្គភាពលេខ ៧៧០៨ នៅយោធភូមិភាគពិសេស៕

បកប្រែដោយ Thuy Anh