សាលានាយទាហានកងទ័ពជើងគោកលេខ២ បិទវគ្គបណ្តុះបណ្តាលសិក្ខាកាមកម្ពុជា
កប.អនឡាញ - នារសៀលថ្ងៃទី១០ ខែកក្កដា សាលានាយទាហានកងទ័ពជើងគោកលេខ២ បានរៀបចំពិធីបិទវគ្គបណ្តុះបណ្តាលមន្ត្រី និងសិក្ខាកាមនៃកងយោធពលខេមរភូមិន្ទឆ្នាំ២០២៤។ លោកឧត្តមសេនីយ៍ត្រី Vu Thanh Hiep សាកលវិទ្យាធិការរងសាលាបានចូលរួមពិធីបិទ។
បណ្ដាវគ្គបណ្តុះបណ្តាលរួមមាន៖ វគ្គទី៧១ បណ្ដុះបណ្ដាលអ្នកបញ្ជា និងសេនាធិការទ័ពជើងគោកថ្នាក់ឧត្តមសិក្សាវគ្គទី ៧៤ បណ្តុះបណ្តាលភាសាវៀតណាម គ្រូបង្រៀន និងបំប៉នមន្ត្រីគ្រប់គ្រងនៃកងយោធពលខេមរភូមិន្ទ។ មន្រ្តីទាំងនេះត្រូវបានជ្រើសរើសដោយភាគីកម្ពុជា បញ្ជូនមកបណ្តុះបណ្តាលនៅប្រទេសវៀតណាម។ ក្នុងដំណើរការសិក្សា សិក្ខាកាមតែងតែទទួលបានការយកចិត្តទុកដាក់ ការដឹកនាំពីថ្នាក់ដឹកនាំសាលា និងជំនួយពីគណៈកម្មាធិការបក្ស និងមេបញ្ជាការនៃអង្គភាពគ្រប់គ្រងផ្ទាល់ និងការសហការយ៉ាងជិតស្និទ្ធរបស់ស្ថានទូត អនុព័ន្ធយោធាកម្ពុជាប្រចាំវៀតណាម។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/11/upload_2118/cpc.jpg?dpi=150&quality=100&w=500) |
ថ្នាក់ដឹកនាំសាលានាយទាហានកងទ័ពជើងគោកលេខ២ ប្រគល់សញ្ញាបត្រ |
ក្នុងរយៈពេលសិក្សានៅវៀតណាម សិក្ខាកាមទាំងអស់បានខិតខំប្រឹងប្រែងសិក្សាយ៉ាងសកម្ម ជំនះការលំបាក និងទទួលចំណេះដឹង និងបទពិសោធន៍ បំពេញគោលដៅ និងតម្រូវការបណ្តុះបណ្តាលដោយជោគជ័យ។
ថ្លែងមតិក្នុងពិធីបិទ លោកឧត្តមសេនីយ៍ត្រី Vu Thanh Hiep បានអបអរសាទរ និងវាយតម្លៃខ្ពស់ចំពោះស្មារតីសិក្សារបស់សិក្ខាកាមដែលចូលរួមវគ្គនេះ។ សាលាសង្ឃឹមថា ទោះបីស្ថិតក្នុងឋានៈណាក៏ដោយ ជួបការលំបាកយ៉ាងណាក៏ដោយ មន្ត្រីដែលសិក្សាក្នុងវគ្គនេះនឹងបន្តព្យាយាម សិក្សា បណ្តុះបណ្តាល និងបំពេញល្អនូវភារកិច្ចដែលត្រូវបានប្រគល់ឲ្យ បន្តរួមចំណែកក្នុងការពូនជ្រំទំនាក់ទំនងមិត្តភាព និងសាមគ្គីភាពរវាងវៀតណាម និងកម្ពុជា ស្រស់បំព្រេងជានិច្ចកាល ស្ថិតស្ថិជាអមត៕
បកប្រែដោយ Thuy Anh