អង្គភាពទ័ពលេខ១៥ កងទ័ពប្រជាជនវៀតណាម រៀបចំថ្នាក់រៀនអក្សរខ្មែរសម្រាប់កុមារកម្ពុជា
កប.អនឡាញ - នាព្រឹកថ្ងៃទី៣ ខែមិថុនា បញ្ជាការដ្ឋានអង្គភាពទ័ពលេខ១៥ បានឲ្យដឹងថា អង្គភាពកំពុងសហការជាមួយអាជ្ញាធរស្រុកអណ្តូងមាស (ខេត្តរតនគិរី ព្រះរាជាណាចក្រកម្ពុជា) ដើម្បីរៀបចំថ្នាក់រៀនអក្សរខ្មែរសម្រាប់កុមារនៅមូលដ្ឋាន។
តាមនោះ ក្នុងខែឧសភា ឆ្នាំ២០២៤ ដល់ខែមករា ឆ្នាំ២០២៥ សិស្សដែលត្រៀមចូលរៀនថ្នាក់ទី១ និងកុមារមិនចេះអក្សរចំនួន ១១០ នាក់ នៅស្រុកអណ្តូងមាស ខេត្តរតនគិរី ត្រូវបានបង្រៀនដោយអ្នកបកប្រែនៃអង្គភាពទ័ពលេខ១៥។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/06/04/upload_2118/binh doan 15.jpg?dpi=150&quality=100&w=500) |
កុមារកម្ពុជារំភើបចិត្តក្នុងការចូលរួមថ្នាក់រៀន |
ស្រុកអណ្តូងមាស ជាតំបន់ឈរជើង និងបំពេញភារកិច្ចរបស់សាខាកម្ពុជា (ក្រុមហ៊ុនលេខ៧៥ អង្គភាពទ័ពលេខ១៥)។ នេះក៏ជាតំបន់មានស្ថានភាពលំបាកនៃប្រទេសកម្ពុជា ហើយកុមារជាច្រើនមិនចូលសាលាមត្តេយ្យ និងមិនចេះអក្សរ។ ដូច្នេះហើយ ថ្នាក់រៀនដ៏មានប្រយោជន៍ និងអត្ថន័យនេះ ជួយកុមារដែលមិនចេះអក្សរ និងកុមារត្រៀមចូលរៀនថ្នាក់ទី ១ ឲ្យចេះអក្សរខ្មែរ។
ថ្នាក់រៀននេះក៏បានចូលរួមចំណែកពង្រឹងចំណងសាមគ្គីភាព និងការតភ្ជាប់រវាងកងទ័ព និងប្រជាជននៃប្រទេសទាំងពីរវៀតណាម-កម្ពុជានិយាយរួម និងរវាងអាជ្ញាធរ ប្រជាជននៃប្រទេសកម្ពុជាជាមួយអង្គភាពទ័ពលេខ១៥ និយាយដោយឡែក។ ទន្ទឹមនឹងនោះ ជួយដល់បិតាមាតាដែលជាកម្មករ កម្មការិនីនៃសាខានៅកម្ពុជា (ក្រុមហ៊ុនលេខ ៧៥) និងប្រជាពលរដ្ឋស្ងប់ចិត្តក្នុងការផលិតកម្ម៕
បកប្រែដោយ Thuy Anh