គណៈប្រតិភូក្រសួងការពារជាតិកម្ពុជា មកសួរសុខទុក្ខ និងជូនពរឆ្នាំថ្មីនៅសាកលវិទ្យាល័យ Cuu Long

នៅក្នុងជំនួប លោកសាស្ត្រាចារ្យរង បណ្ឌិត Luong Minh Cu លេខាគណៈកម្មាធិការបក្ស និងជានាយកសាលា បានសម្តែងសេចក្តីសោមនស្សរីករាយដោយបានទទួលលោកឧត្តមសេនីយ៍ទោ អ៊ុក ហឿនពិសី និងសមាជិកនៃគណៈប្រតិភូដែលមកសួរសុខទុក្ខ និងជូនពរឆ្នាំថ្មីនៅសាកលវិទ្យាល័យ ព្រមទាំងជូនពរដល់គណៈប្រតិភូទាំងមូលក្នុងឱកាសបុណ្យចូលឆ្នាំថ្មីប្រពៃណីវៀតណាម ២០២៦។

លោកឧត្តមសេនីយ៍ទោ អ៊ុក ហឿនពិសី នាយកនាយកដ្នានអភិវឌ្ឍន៍ ផ្តល់អំណោយបុណ្យចូលឆ្នាំថ្មីតេតដល់សាកលវិទ្យាល័យ Cuu Long (រូបថត៖ cand.com.vn)

លោកនាយកនៃសាកលវិទ្យាល័យ Cuu Long បានមានប្រសាសន៍ថា៖ បច្ចុប្បន្ននេះនៅសាលា មាននិស្សិតអន្តរជាតិប្រមាណ ១៥០ នាក់ រួមទាំងនិស្សិតកម្ពុជាចំនួន ៦១ នាក់។ សាកលវិទ្យាល័យតែងតែយកចិត្តទុកដាក់ និងបង្កើតលក្ខខណ្ឌល្អបំផុតសម្រាប់ពួកគេក្នុងការសិក្សា និងស្រាវជ្រាវ។

នាពេលខាងមុខ លោកសាស្ត្រាចារ្យរង បណ្ឌិត Luong Minh Cu សម្តែងនូវគោលបំណងចង់បន្តសហប្រតិបត្តិការជាមួយនាយកដ្ឋានអភិវឌ្ឍន៍ ក្រសួងការពារជាតិកម្ពុជា ក្នុងការបណ្តុះបណ្តាលធនធានមនុស្ស រួមចំណែកពង្រឹង និងពង្រីកបន្ថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការដ៏ល្អរវាងភាគីទាំងពីរនិយាយដោយឡែក និងរវាងប្រទេសទាំងពីរ វៀតណាម-កម្ពុជានិយាយរួម។

គណៈប្រតិភូនៃនាយកដ្ឋានអភិវឌ្ឍន៍ ក្រសួងការពារជាតិកម្ពុជាថតរូបទុកជាអនុស្សាវរីយ៍ជាមួយសាកលវិទ្យាល័យ Cuu Long (រូបថត៖ cand.com.vn)

តាងនាមគណៈប្រតិភូនាយកដ្ឋានអភិវឌ្ឍន៍ លោកឧត្តមសេនីយ៍ទោ អ៊ុក ហឿនពិសី បានថ្លែងអំណរគុណដល់សាកលវិទ្យាល័យ Cuu Long ចំពោះការទទួលស្វាគមន៍យ៉ាងកក់ក្តៅ និងយកចិត្តទុកដាក់។

ក្នុងឱកាសបុណ្យចូលឆ្នាំថ្មីប្រពៃណី២០២៦ លោកឧត្តមសេនីយ៍ទោ អ៊ុក ហឿនពិសី បានជូនពរដល់លោកគ្រូ អ្នកគ្រូ នៃសាកលវិទ្យាល័យ Cuu Long មានសុខភាពល្អ បំពេញភារកិច្ចទាំងអស់ដោយជោគជ័យ និងជូនពរឱ្យសាកលវិទ្យាល័យ Cuu Long បន្តការអភិវឌ្ឍប្រកបដោយចីរភាព៕

បកប្រែដោយ Huyen Trang