បើកពិព័រណ៍ពាណិជ្ជកម្ម OCOP តំបន់ព្រំដែនវៀតណាម-កម្ពុជា

ពិព័រណ៍ពាណិជ្ជកម្ម OCOP តំបន់ព្រំដែនវៀតណាម-កម្ពុជា មានស្ដង់ទំនិញជាង ២០០ មកពីធុរកិច្ចនៅក្នុងខេត្ត An Giang និងក្រុងខេត្តជាច្រើននៃប្រទេសវៀតណាម និងខេត្តនានានៃព្រះរាជាណាចក្រកម្ពុជា ដែលប្រព្រឹត្ដទៅរហូតដល់ថ្ងៃទី ១៦ ខែធ្នូ នៅសួនឧស្សាហកម្ម Xuan To សង្កាត់ Tinh Bien ខេត្ដ An Giang។

ប្រតិភូទាំងឡាយទស្សនាស្តង់សិប្បកម្មនៅក្នុងពិព័រណ៍ (រូបថត៖ vov.vn)

ពិព័រណ៍នេះគឺជាឱកាសសម្រាប់ការផ្លាស់ប្តូរ និងកិច្ចសហប្រតិបត្ដិការសេដ្ឋកិច្ចរវាងមូលដ្ឋាននានានៅក្នុងប្រទេសវៀតណាម តភ្ជាប់រាល់សកម្មភាព និងជួលដល់​ការអភិវឌ្ឍ រួមចំណែកលើកកម្ពស់ផលិតកម្ម និងការធ្វើអាជីវកម្ម និងការប្រកួតប្រជែងក្នុងនិន្នាការនៃការធ្វើសមាហរណកម្មសេដ្ឋកិច្ចអន្តរជាតិ។ ជំរុញពាណិជ្ជកម្ម ទេសចរណ៍ និងការវិនិយោគរវាងខេត្តនានានៅក្នុងតំបន់សេដ្ឋកិច្ចសំខាន់ៗនៅភាគខាងត្បូងវៀតណាម និងប្រទេសជិតខាងកម្ពុជា ព្រមទាំងជំរុញការផ្លាស់ប្ដូរពាណិជ្ជកម្មនៅតំបន់ព្រំដែនរវាងធុរកិច្ច ជាពិសេសគឺធុរកិច្ចមកពីប្រទេសកម្ពុជា។

លោក Le Trung Ho អនុប្រធានគណៈកម្មាធិការប្រជាជនខេត្ត An Giang បានសង្កេត់ធ្ងន់ថា ពិព័រណ៍ក៏ជាឱកាសមួយសម្រាប់ធុរកិច្ចវៀតណាមនិង​កម្ពុជាជួបជុំគ្នានិងផ្សព្វផ្សាយផលិតផលប្រចាំតំបន់ដល់អ្នកទេសចរជាតិនិងអន្តរជាតិ ព្រមទាំងបង្កើនកិច្ចសហប្រតិបត្ដិការក្នុងការធ្វើអាជីវកម្ម និង​បើកទីផ្សារ។

ស្តង់ទំនិញមួយដាក់តាំងបង្ហាញផលិតផលពីប្រទេសកម្ពុជា (រូបថត៖ vov.vn)

ក្នុងឱកាសនេះ គណៈកម្មការរៀបចំក៏រៀបចំសកម្មភាពជាច្រើនដូចជា តភ្ជាប់ការផ្លាស់ប្ដូរពាណិជ្ជកម្ម លើកកម្ពស់អត្ដសញ្ញាណវប្បធម៌របស់ខេត្ត An Giang... ជាពិសេសគឺរៀងរាល់យប់ ក៏មានកម្មវិធីសម្តែងតន្ត្រីដោយអ្នកចម្រៀង និងសិល្បករមកពីទីក្រុងហូជីមិញផងដែរ៕

បកប្រែដោយ Pham Diep