គណៈប្រតិភូស្នងការដ្ឋាននគរបាល និងបញ្ជាការដ្ឋានកងរាជអាវុធហត្ថរបស់កម្ពុជាជូនពរឆ្នាំថ្មីនៅខេត្ត Dong Nai

លោកវរសេនីយ៍ឯក Nguyen Anh Duc មេបញ្ជាការរងបញ្ជាការដ្ឋានយោធាខេត្ដ និងជាមេបញ្ជាការគណៈបញ្ជាការដ្ឋានកងទ័ពការពារព្រំដែនខេត្ដ Dong Nai សម្តែងការរីករាយដែលបានទទួលស្វាគមន៍គណៈប្រតិភូរបស់កម្ពុជាមកជូនពរក្នុងឱកាសបុណ្យចូលឆ្នាំថ្មីប្រពៃណីវៀតណាម។

លោកវរសេនីយ៍ឯក Nguyen Anh Duc ឲ្យដឹងថា នៅឆ្នាំ២០២៥ គណៈបញ្ជាការដ្ឋានកងទ័ពការពារព្រំដែនខេត្ដ បានសហការយ៉ាងជិតស្និទ្ធជាមួយ​កងកម្លាំងនគរបាល បញ្ជាការដ្ឋានកងរាជអាវុធហត្ថ និងតំបន់ប្រតិបត្ដិការសឹករងនៃខេត្តនានារបស់កម្ពុជាក្នុងការគ្រប់គ្រង និងការពារព្រំដែន ដែលរួមចំណែកកសាងច្រករបៀងព្រំដែនដ៏រឹងមាំ ស្ថិរភាព និងអភិវឌ្ឍ។

តំណាងគណៈប្រតិភូកម្ពុជាជូនពរឆ្នាំថ្មីដល់កម្មាភិបាលនិងយុទ្ធជននៃកងទ័ពការពារព្រំដែនខេត្ដ Dong Nai (រូបថត៖ baodongnai.com.vn)

ក្នុងឆ្នាំ ២០២៦ គណៈបញ្ជាការដ្ឋានកងទ័ពការពារព្រំដែនខេត្ដ Dong Nai សង្ឃឹមថា នឹងបន្តទទួលបានការយកចិត្តទុកដាក់ និងការបញ្ជាពីមេបញ្ជាការគ្រប់លំដាប់ថ្នាក់ ដើម្បីពង្រឹងបន្ថែមទៀតនូវការសម្របសម្រួលក្នុងការគ្រប់គ្រង និងការពារព្រំដែន និងដែនអាកាស រក្សាសន្តិសុខ សណ្ដាប់ធ្នាប់សង្គម និងសុវត្ថិភាពតាមបណ្តោយព្រំដែនរវាងខេត្តនានានៃកម្ពុជាដែលជាប់ព្រំដែនជាមួយខេត្ត Dong Nai ប្រទេស វៀតណាម។

លោកវរសេនីយ៍ឯក Nguyen Anh Duc ប្រគល់អំណោយជូនគណៈប្រតិភូកងកម្លាំងប្រដាប់អាវុធរបស់កម្ពុជា (រូបថត៖ baodongnai.com.vn)

ក្នុងនាមគណៈប្រតិភូព្រះរាជាណាចក្រកម្ពុជា លោកឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តក្រចេះបានជូនពរកម្មាភិបាលនិងយុទ្ធជននៃកងទ័ពការពារព្រំដែនខេត្ដ Dong Nai ឲ្យមានសុខភាពល្អ សុភមង្គល និងបំពេញល្អភារកិច្ចក្នុងឆ្នាំថ្មី ព្រមទាំងជូនពរឲ្យទំនាក់ទំនងរវាងភាគីនានាកាន់តែរឹងមាំថែមទៀត រួមគ្នាគ្រប់គ្រងនិងការពារព្រំដែនប្រកបដោយសន្តិភាព មិត្តភាព សហប្រតិបត្តិការ និងអភិវឌ្ឍន៍៕

បកប្រែដោយ Pham Diep