កងកម្លាំងប្រដាប់អាវុធខេត្តមណ្ឌលគីរី ជូនពរឆ្នាំថ្មីដល់កងទ័ពការពារព្រំដែនខេត្ត Lam Dong

ក្នុងឱកាសនេះ ក្នុងនាមកងកម្លាំងប្រដាប់អាវុធខេត្តមណ្ឌលគីរី លោកឧត្តមសេនីយ៍ត្រី ហែម បូណារ៉ែល បានជូនពរបវមហាប្រសើរដល់កម្មាភិបាលនិងយុទ្ធជនទាំងអស់នៃកងទ័ពការពារព្រំដែនខេត្ត Lam Dong និងក្រុមគ្រួសារ ព្រមទាំងបានកត់សម្គាល់នូវកិច្ចសហប្រតិបត្តិការយ៉ាងជិតស្និទ្ធ និងមានប្រសិទ្ធភាពរបស់កងទ័ពការពារព្រំដែនខេត្ត Lam Dong ក្នុងការគ្រប់គ្រង និងការពារព្រំដែនក្នុងរយៈពេលកន្លងមក។

ថ្នាក់ដឹកនាំគណៈបញ្ជាការដ្ឋានកងទ័ពការពារព្រំដែនខេត្ត Lam Dong ទទួលស្វាគមន៍គណៈប្រតិភូកងកម្លាំងប្រដាប់អាវុធខេត្តមណ្ឌលគីរី

លោកឧត្តមសេនីយ៍ត្រី ហែម បូណារ៉ែល បានវាយតម្លៃខ្ពស់ចំពោះស្មារតីទទួលខុសត្រូវ និងការគាំទ្រទាន់ពេលវេលារបស់កងកម្លាំងការពារព្រំដែនខេត្ត Lam Dong ក្នុងការសម្របសម្រួលធ្វើការល្បាតទ្វេភាគី ការផ្លាស់ប្តូរព័ត៌មាន និងការប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទដែលរួមចំណែកដល់ការកសាងខ្សែព្រំដែនប្រកបដោយសន្តិភាព មិត្តភាព និងការអភិវឌ្ឍប្រកបដោយចីរភាព។

គណៈប្រតិភូស្នងការដ្ឋាននគរបាលខេត្តមណ្ឌលគីរី ប្រគល់អំណោយនិងជូនពរឆ្នាំថ្មីដល់គណៈបញ្ជាការដ្ឋានកងទ័ពការពារព្រំដែនខេត្ត Lam Dong

ថ្នាក់ដឹកនាំគណៈបញ្ជាការដ្ឋានកងទ័ពការពារព្រំដែនខេត្ត Lam Dong បានសម្តែងនូវសេចក្តីរីករាយ និងថ្លែងអំណរគុណចំពោះមនោសញ្ចេតនារបស់កងកម្លាំងប្រដាប់អាវុធខេត្តមណ្ឌលគីរី សម្រាប់កម្មាភិបាលនិងយុទ្ធជននៃ​កងទ័ពការពារព្រំដែនខេត្ត Lam Dong ព្រមទាំងបញ្ជាក់ថា ក្នុងរយៈពេលប៉ុន្មានឆ្នាំមកនេះ ទំនាក់ទំនងសហប្រតិបត្តិការរវាងកងកម្លាំងការពារព្រំដែនខេត្ត Lam Dong និងកងកម្លាំងប្រដាប់អាវុធខេត្តមណ្ឌលគីរី ត្រូវបានពង្រឹង និងអភិវឌ្ឍជាបន្តបន្ទាប់ ដែលរួមចំណែកយ៉ាងសំខាន់ក្នុងការរក្សាសន្តិសុខនយោបាយ សណ្តាប់ធ្នាប់សង្គម និងសុវត្ថិភាព និងស្ថិរភាពនៅតំបន់ព្រំដែន។

ភាគីទាំងពីរថតរូបជុំគ្នា

ដំណើរទស្សនកិច្ច និងការជូនពរឆ្នាំថ្មីរបស់កងកម្លាំងប្រដាប់អាវុធខេត្តមណ្ឌលគីរី គឺជាសកម្មភាពការទូតជាក់ស្តែង និងមានអត្ថន័យដែលរួមចំណែកការពង្រឹងសាមគ្គីភាព និងមិត្តភាពរវាងភាគីទាំងពីរ។ អាស្រ័យហេតុនេះ ធ្វើជាមូលដ្ឋានគ្រឹះដ៏រឹងមាំសម្រាប់ភាគីទាំងពីរបន្ដកិច្ចសហប្រតិបត្តិការប្រកបដោយប្រសិទ្ធភាពក្នុងការគ្រប់គ្រង និងការពារព្រំដែន កសាងខ្សែព្រំដែនវៀតណាម-កម្ពុជា​ ប្រកបដោយសន្តិភាព ស្ថិរភាព មិត្តភាព សហប្រតិបត្តិការ និងអភិវឌ្ឍន៍៕

បកប្រែដោយ Pham Diep