លោក Pham Minh Chinh នាយករដ្ឋមន្ត្រីវៀតណាម និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញជួបពិភាក្សាការងារ

លោក Pham Minh Chinh នាយករដ្ឋមន្ត្រីវៀតណាម និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជួបពិភាក្សាការងារ (រូបថត៖ vnanet.vn)

ក្រឡេកមើលទៅឆ្នាំ ២០២៥ នាយករដ្ឋមន្ត្រីទាំងពីរបានឯកភាពគ្នាថា ក្នុងរយៈពេលមួយឆ្នាំកន្លងមកនេះ រដ្ឋាភិបាលទាំងពីរបានអនុវត្តប្រកបដោយប្រសិទ្ធភាពនូវសេចក្តីសន្និដ្ឋាននៃកិច្ចប្រជុំគណបក្សទាំងពីរ និងគណបក្សទាំងបី (ខែកុម្ភៈ ឆ្នាំ២០២៥) សម្របសម្រួលអនុវត្តផែនការសហប្រតិបត្តិការក្នុងស្មារតីសកម្ម ម៉ឺងម៉ាត់ និងមានប្រសិទ្ធភាព និងសម្រេចបានលទ្ធផលជាក់ស្តែងជាច្រើន។ ទំនាក់ទំនងនយោបាយ និងការបរទេសត្រូវបានពង្រឹង និងពង្រីកដោយឥតឈប់ឈរ។

នាយករដ្ឋមន្ត្រីទាំងពីរបានវាយតម្លៃខ្ពស់ចំពោះសារៈសំខាន់នៃការសម្ពោធដាក់ឱ្យដំណើរការជាផ្លូវការនូវច្រកទ្វារអន្តរជាតិតឹនណាម-ម៉ឺនជ័យក្នុងបំណងបង្កើនការតភ្ជាប់ សេដ្ឋកិច្ច ពាណិជ្ជកម្ម និងការផ្លាស់ប្ដូររវាងប្រជាជន និងប្រជាជន និងបានបញ្ជាក់ពីការប្ដេជ្ញាចិត្តក្នុងការបន្តកែលម្អប្រព័ន្ធច្រកទ្វារព្រំដែន ធ្វើឱ្យប្រសើរឡើងនូវហេដ្ឋារចនាសម្ព័ន្ធដឹកជញ្ជូនឆ្លងកាត់ព្រំដែន និងបង្កើតសន្ទុះថ្មីសម្រាប់ការអភិវឌ្ឍសេដ្ឋកិច្ចក្នុងតំបន់។

លោក Pham Minh Chinh នាយករដ្ឋមន្ត្រីវៀតណាម និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជួបពិភាក្សាការងារ (រូបថត៖ vnanet.vn)

ក្រៅ​ពីលើទិដ្ឋភាពវិជ្ជមាននៃសម្ពោធដាក់ឱ្យដំណើរការជាផ្លូវការនូវច្រកទ្វារអន្តរជាតិ នាយករដ្ឋមន្ត្រីទាំងពីរក៏បានឯកភាពគ្នាផងដែរថា ភាគីទាំងពីរត្រូវសម្របសម្រួលឱ្យបានល្អក្នុងការគ្រប់គ្រង និងរក្សាសន្តិសុខ និងសណ្តាប់ធ្នាប់នៅតំបន់ព្រំដែន ទប់ស្កាត់ប្រយុទ្ធប្រឆាំងនឹងឧក្រិដ្ឋកម្មឆ្លងដែន ការរត់ពន្ធ និងសកម្មភាពខុសច្បាប់ ទន្ទឹមនឹងនោះ ចុះហត្ថលេខាលើ «កិច្ចព្រមព្រៀងស្តីពីការគ្រប់គ្រងច្រកទ្វារព្រំដែន» និង «កិច្ចព្រមព្រៀងស្តីពីបទប្បញ្ញត្តិគ្រប់គ្រងព្រំដែន» ក្នុងពេលឆាប់ៗនេះ ដើម្បីសម្រួលដល់ពាណិជ្ជកម្មព្រំដែន និងការគ្រប់គ្រងច្រកទ្វារព្រំដែន ឆ្លើយតបនឹងគោលដៅអភិវឌ្ឍន៍របស់ប្រទេសទាំងពីរនៅក្នុងដំណាក់កាលថ្មី។

ដោយផ្អែកលើសមិទ្ធផល និងការតាំងចិត្តខ្ពស់ ភាគីទាំងពីរបានឯកភាពគ្នាសម្របសម្រួលយ៉ាងជិតស្និទ្ធ ដើម្បីអភិវឌ្ឍទំនាក់ទំនងទ្វេភាគីឱ្យកាន់តែរឹងមាំ ដោយផ្តោតលើការបង្កើនការផ្លាស់ប្តូរគណៈប្រតិភូនៅគ្រប់កម្រិត និងគ្រប់បណ្តាញ លើកកម្ពស់យន្តការសហប្រតិបត្តិការទ្វេភាគីដែលមានស្រាប់ ពង្រឹងកិច្ចសហប្រតិបត្តិការការពារជាតិ និងសន្តិសុខ អនុវត្តគោលការណ៍ជាប់លាប់នៃការមិនអនុញ្ញាតឱ្យកម្លាំងអរិភាពប្រើប្រាស់ទឹកដីនៃប្រទេសមួយដើម្បីបំផ្លាញប្រទេសមួយទៀត រក្សាសន្តិសុខ និងសណ្តាប់ធ្នាប់នៅតំបន់ព្រំដែន ទប់ស្កាត់ និងប្រយុទ្ធប្រឆាំងនឹងឧក្រិដ្ឋកម្មឆ្លងដែន ការឆបោកតាមអនឡាញ  សម្របសម្រួលដើម្បីប្រយុទ្ធប្រឆាំងនឹងព័ត៌មានក្លែងក្លាយរបស់កម្លាំងអរិភាពដែលញុះញង់ បំផ្លាញ និងបំបែកបំបាក់ទំនាក់ទំនងវៀតណាម-កម្ពុជា។

លោក Pham Minh Chinh នាយករដ្ឋមន្ត្រីវៀតណាម អញ្ជើញជួបពិភាក្សាការងារសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា (រូបថត៖ vnanet.vn)

នាយករដ្ឋមន្ត្រីទាំងពីរបានសង្កត់ធ្ងន់លើសារៈសំខាន់នៃការរក្សាព្រំដែនសន្តិភាព ស្ថិរភាព សហប្រតិបត្តិការ និងអភិវឌ្ឍប្រកបដោយចីរភាពរវាងប្រទេសទាំងពីរ និងបានបញ្ជាក់ថានឹងបន្តសម្របសម្រួលដោះស្រាយបញ្ហាដែលកើតឡើងឱ្យបានត្រឹមត្រូវ និងទាន់ពេលវេលា រួមទាំងការការពារបរិស្ថានប្រកបដោយចីរភាពនៅ

តំបន់ព្រំដែន ជម្រុញការចរចា និងដោះស្រាយប្រហែល ១៦% នៃខ្សែបន្ទាត់ព្រំដែនដែលមិនទាន់បានខ័ណ្ឌសីមា បោះបង្គោលព្រំដែន សម្របសម្រួលការគ្រប់គ្រងព្រំដែនទាំងលើដីគោក និងលើសមុទ្រ ក្នុងស្មារតីនៃការយោគយល់គ្នា ការគោរពគ្នាទៅវិញទៅមក និងស្របតាមច្បាប់អន្តរជាតិ។

ក្នុងឱកាសនេះ លោក Pham Minh Chinh នាយករដ្ឋមន្ត្រីវៀតណាមក៏បានស្នើឱ្យភាគីកម្ពុជាបន្តយកចិត្តទុកដាក់ ធានាសិទ្ធស្របច្បាប់ ដើម្បីឱ្យប្រជាជនដើមកំណើតវៀតណាមនៅកម្ពុជាមានការរស់នៅប្រកបដោយវស្ថិរភាព ចូលរួមចំណែកយ៉ាងសកម្មដល់ការអភិវឌ្ឍដ៏រុងរឿងរបស់កម្ពុជា និងទំនាក់ទំនងមិត្តភាពរវាងប្រទេសទាំងពីរ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍ក្នុងកិច្ចប្រជុំ (រូបថត៖ vnanet.vn)

ដោយពិភាក្សាអំពីភាពតានតឹងព្រំដែនកម្ពុជា-ថៃ លោក Pham Minh Chinh នាយករដ្ឋមន្ត្រីវៀតណាម បានបញ្ជាក់ថា វៀតណាមតែងតែយកចិត្តទុកដាក់ និងតាមដានស្ថានការណ៍យ៉ាងដិតដល់ ហើយនឹងបន្តរួមចំណែកដល់ដំណោះស្រាយដោយសន្តិវិធី ដើម្បីដោះស្រាយភាពតានតឹង ដោយអំពាវនាវឱ្យថៃ និងកម្ពុជាអនុវត្តការអត់ធ្មត់ ការសន្ទនា គោរពផលប្រយោជន៍ស្របច្បាប់របស់គ្នាទៅវិញទៅមក និងអនុវត្តតាមកិច្ចព្រមព្រៀងសន្តិភាព។

វៀតណាមតែងតែយកចិត្តទុកដាក់យ៉ាងខ្លាំង និងគាំទ្រដល់កិច្ចខិតខំប្រឹងប្រែងដើម្បីដោះស្រាយការខ្វែងគំនិតគ្នាទាំងអស់ដោយសន្តិវិធី ដោយជឿជាក់ថា ស្ថិរភាពរយៈពេលវែងគឺជាដំណោះស្រាយដ៏ល្អបំផុតសម្រាប់ទាំងកម្ពុជា និងថៃដើម្បីសាមគ្គីភាពអាស៊ាន ដើម្បីបរិយាកាសសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍនៅក្នុងតំបន់ និងពិភពលោក៕

បកប្រែដោយ Duy Hoan