គណៈប្រតិភូកម្មាភិបាលខេត្ត Ca Mau អញ្ជើញ​ទៅបំពេញទស្សនកិច្ចនៅស្ថានអគ្គកុងស៊ុលវៀតណាមប្រចាំខេត្តព្រះសីហនុ

អមដំណើរគណៈប្រតិភូមាន លោក Tran Hong Quan សមាជិកគណៈអចិន្ត្រៃយ៍នៃគណៈកម្មាធិការបក្សខេត្ត លេខាគណៈកម្មាធិការបក្សទីក្រុង Ca Mau។ លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ បានអញ្ជើញទទួលជួបគណៈប្រតិភូ។

គណៈប្រតិភូមន្ត្រីខេត្ត Ca Mau ទៅសួរសុខទុក្ខ និងផ្តល់អំណោយនៅស្ថានអគ្គកុងស៊ុលវៀតណាមប្រចាំខេត្តព្រះសីហនុ

តាងនាមឱ្យគណៈប្រតិភូ លោក Ho Trung Viet បានថ្លែងអំណរគុណចំពោះ លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ ដែលបានចំណាយពេលវេលាទទួលជួប​គណៈប្រតិភូ។ ទន្ទឹមនឹងនោះ លោកបានអញ្ជើញ លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ រៀបចំពេលវេលាសមស្របទៅបំពេញទស្សនកិច្ចនៅខេត្ត Ca Mau ព្រមទាំងសង្ឃឹមថា នាពេលខាងមុខ ស្ថានអគ្គកុងស៊ុលវៀតណាមប្រចាំខេត្តព្រះសីហនុ នឹងបន្តយកចិត្តទុកដាក់ជួយខេត្ត Ca Mau ក្នុងការកសាងទំនាក់ទំនងមិត្តភាព និងកិច្ចសហប្រតិបត្តិការជាមួយមូលដ្ឋាននានានៃព្រះរាជាណាចក្រកម្ពុជា។

ទិដ្ឋភាពនៃជំនួប

លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ បានជម្រាបជូនគណៈប្រតិភូថា៖ ស្ថានអគ្គកុងស៊ុលវៀតណាមប្រចាំខេត្ត​ព្រះសីហនុ ទទួលបន្ទុកតំបន់កុងស៊ុលទាំង ៦ ខេត្តភាគនិរតីនៃប្រទេសកម្ពុជា ហើយក៏ជាស្ពានតភ្ជាប់ទំនាក់ទំនងផ្នែកនយោបាយ ជំរុញកិច្ចសហប្រតិបត្តិការសេដ្ឋកិច្ច និងវប្បធម៌ និងអភិវឌ្ឍន៍រវាងមូលដ្ឋាននានានៃប្រទេសវៀតណាម និងប្រទេស​កម្ពុជា។

កម្មាភិបាល បុគ្គលិកធ្វើការនៅស្ថានអគ្គ្គសុងស៊ុលថតរូបអនុស្សាវរីយ៍ជាមួយគណៈប្រតិភូខេត្ត Ca Mau

លោក Lai Xuan Chien អគ្គកុងស៊ុលវៀតណាមប្រចាំខេត្តព្រះសីហនុ សង្ឃឹមថានឹងអញ្ជើញទៅទស្សនកិច្ច និងស្វែងយល់អំពីទឹកដី ប្រជាជន សក្ដានុពល និងឧត្តមភាពរបស់ខេត្ត Ca Mau នាពេលឆាប់ៗនេះ អាស្រ័យលើនេះ ធ្វើជាស្ពានតភ្ជាប់មួយដើម្បីជំរុញទំនាក់ទំនងសហប្រតិបត្តិការរវាងខេត្ត Ca Mau និងខេត្តព្រះសីហនុ និយាយដោយឡែក​ និងមូលដ្ឋានផ្សេងទៀតនៃព្រះរាជាណាចក្រកម្ពុជានិយាយរួម៕

បកប្រែដោយ Duy Hoan