គណៈប្រតិភូខេត្តពោធិ៍សាត់ មកសួរសុខទុក្ខ និងជូនពរឆ្នាំថ្មីថ្នាក់ដឹកនាំខេត្ត Dong Thap

ក្នុងដំណើរទស្សនកិច្ចនេះ លោក ហៀម ឃួន បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅរបស់ថ្នាក់ដឹកនាំខេត្ត Dong Thap និងជូនដំណឹងដល់ថ្នាក់ដឹកនាំខេត្ត Dong Thap អំពីលទ្ធផលដែលខេត្តពោធិ៍សាត់ សម្រេចបានក្នុងឆ្នាំ២០២៤។ ទន្ទឹមនឹងនោះ អបអរសាទរចំពោះសមិទ្ធិផលសេដ្ឋកិច្ច-សង្គមដែលខេត្ត Dong Thap សម្រេចបានក្នុងឆ្នាំកន្លងទៅ។

លោក ហៀម ឃួន បានបញ្ជាក់ថា ខេត្តពោធិ៍សាត់នឹងបន្តរឹតបន្តឹងទំនាក់ទំនងប្រពៃណី និងមិត្តភាពល្អរវាងខេត្តទាំងពីរ ដើម្បីការអភិវឌ្ឍ វិបុលភាពរបស់ប្រជាជននៃមូលដ្ឋានទាំងពីរនិយាយដោយឡែក និងប្រទេសទាំងពីរវៀតណា-កម្ពុជានិយាយរួម។ ក្នុងឱកាសបុណ្យចូលឆ្នាំប្រពៃណីជាតិរបស់ប្រជាជនវៀតណាម លោក ហៀម ឃួន បានជូនពរថ្នាក់ដឹកនាំ កម្មាភិបាល យុទ្ធជន និងប្រជាជនខេត្ត Dong Thap ជួបតែសេចក្តីសុខ សេចក្តីចម្រើន និងសម្រេចបាននូវរាល់ភារកិច្ចដែលត្រូវបានប្រគល់ជូន ហើយជូនពរខេត្ត Dong Thap ឲ្យមានការអភិវឌ្ឍខ្លាំងឡើង។

លោក ហៀម ឃួន ប្រគល់អំណោយឆ្នាំថ្មីជូន លោក Pham Thien Nghia (ស្តាំ) (រូបថត៖ baodongthap.vn)

ក្នុងបរិយាកាសពោរពេញដោយសាមគ្គីភាព មិត្តភាព តាងនាមថ្នាក់ដឹកនាំខេត្ត Dong Thap លោក Pham Thien Nghia អនុលេខាគណៈកម្មាធិការបក្ស ប្រធានគណៈកម្មាធិការប្រជាជនខេត្ត បានថ្លែងអំណរគុណចំពោះមនោសញ្ចេតនាដែលខេត្តពោធិសាត់ផ្ដលដល់ខេត្ត Dong Thap និងវាយតម្លៃខ្ពស់ចំពោះលទ្ធផលក្នុងការអភិវឌ្ឍសេដ្ឋកិច្ច-សង្គមរបស់ខេត្តពោធិ៍សាត់ នៅប៉ុន្មានឆ្នាំកន្លងទៅ។

លោក Pham Thien Nghia បានសង្កត់ធ្ងន់ថា វៀតណាម ក៏ដូចជាខេត្ត Dong Thap វាយតំលៃខ្ពស់ចំពោះសក្តានុពលរបស់កម្ពុជា និងខេត្តពោធិសាត់។ ទន្ទឹមនឹងនោះ លោកសង្ឃឹមថា នាពេលខាងមុខ ខេត្ត Dong Thap និងខេត្តពោធិ៍សាត់ នឹងជំរុញកិច្ចសហប្រតិបត្តិការ និងធ្វើពាណិជ្ជកម្ម ដើម្បីអភិវឌ្ឍសេដ្ឋកិច្ច តភ្ជាប់ទំនាក់ទំនងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការល្អលើគ្រប់វិស័យ ដើម្បីនាំមកនូវផលប្រយោជន៍ជាក់ស្តែងជូនប្រជាពលរដ្ឋនៃមូលដ្ឋានទាំងពីរ។ ក្នុងឱកាសឆ្នាំថ្មីនេះ លោក Pham Thien Nghia បានជូនពរថ្នាក់ដឹកនាំខេត្តពោធិ៍សាត់ និងក្រុមគ្រួសារ មានសុខភាពល្អ សុភមង្គល និងជោគជ័យ ជូនពរឲ្យទំនាក់ទំនងមិត្តភាពវៀតណាម-កម្ពុជានិយាយរួម និងខេត្តទាំងពីរ Dong Thap - ពោធិសាត់ និយាយដោយឡែកកាន់តែរីកចម្រើន។

ក្នុងឱកាសនេះ ថ្នាក់ដឹកនាំខេត្តពោធិសាត់ បានប្រគល់អំណោយឆ្នាំថ្មី ជូនថ្នាក់ដឹកនាំខេត្ត Dong Thap។ ព្រមទាំង ថ្នាក់ដឹកនាំខេត្ត Dong Thap ក៏បានជូនអំណោយអំណរគុណដល់គណៈប្រតិភូខេត្តពោធិសាត់ (ព្រះរាជាណាចក្រកម្ពុជា)៕

បកប្រែដោយ Thuy Anh