ថ្នាក់ដឹកនាំខេត្តកំពង់ឆ្នាំង មកសួរសុខទុក្ខ និងជូនពរឆ្នាំថ្មីដល់ថ្នាក់ដឹកនាំខេត្ត An Giang

ក្នុងឱកាសបុណ្យចូលឆ្នាំថ្មីប្រពៃណីជាតិវៀតណាម ឆ្នាំ២០២៥ លោកស្រី ប៊ន សុភី អភិបាលរងខេត្តកំពង់ឆ្នាំង បានជូនពរឲ្យថ្នាក់ដឹកនាំខេត្ត An Giang បន្តទទួលបានជោគជ័យក្នុងឆ្នាំថ្មី; ជូនពរឲ្យបក្សភាគ អាជ្ញាធរ និងប្រជាជនខេត្ត An Giang ទទួលបានជ័យជំនះ និងវិបុលភាពក្នុងឆ្នាំថ្មី។ ទន្ទឹមនឹងនោះ លោកស្រី ប៊ន សុភី បានសម្តែងនូវក្តីសប្បាយរីករាយ ព្រមទាំងបញ្ជាក់ពីទំនាក់ទំនងអ្នកជិតខាង មិត្តភាព និងអភិវឌ្ឍន៍រវាងខេត្តទាំងពីរ។  លោកស្រី ប៊ន សុភី សង្ឃឹមថា ខេត្ត An Giang និងខេត្តកំពង់ឆ្នាំង នឹងបន្តសហប្រតិបត្តិការអភិវឌ្ឍលើវិស័យ៖ កសិកម្ម អប់រំ សុខាភិបាល វប្បធម៌។ល។

លោកស្រី ប៊ន សុភី អភិបាលរងខេត្តកំពង់ឆ្នាំង ផ្តល់អំណោយដល់ថ្នាក់ដឹកនាំខេត្ត An Giang (រូបថត៖ baoangiang.com.vn)

តាងនាមថ្នាក់ដឹកនាំខេត្ត An Giang លោកស្រី Nguyen Thi Minh Thuy អនុប្រធានគណៈកម្មាធិការប្រជាជនខេត្ត An Giang សម្តែងនូវសេចក្តីរីករាយដែលបានស្វាគមន៍លោកស្រី ប៊ន សុភី និងគណៈប្រតិភូខេត្តកំពង់ឆ្នាំងដែលមកសួរសុខទុក្ខ និងជូនពរឆ្នាំថ្មីដល់ថ្នាក់ដឹកនាំ និងប្រជាជនខេត្ត An Giang ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំ២០២៥។ ទន្ទឹមនឹងនោះ លោកស្រី Nguyen Thi Minh Thuy សង្ឃឹមថា នាពេលខាងមុខ ខេត្តទាំងពីរនឹងបន្តរក្សាប្រពៃណីសាមគ្គីភាព មិត្តភាព កិច្ចសហប្រតិបត្តិការ និងការអភិវឌ្ឍ។

ប្រតិភូថតរូបទុកជាអនុស្សាវរីយ៍ (រូបថត៖ baoangiang.com.vn)

លោកស្រី Nguyen Thi Minh Thuy បានជូនពរឲ្យថ្នាក់ដឹកនាំ និងប្រជាជនខេត្តកំពង់ឆ្នាំង ឱ្យមានសុខភាពល្អ និងទទួលបានជោគជ័យគ្រប់ប្រការ ព្រមទាំងជូនពរឱ្យចំណងសាមគ្គីភាព និងមិត្តភាពរវាងវៀតណាម និងកម្ពុជា រវាងខេត្ត An Giang និងខេត្តកំពង់ឆ្នាំង កាន់តែអភិវឌ្ឍប្រកបដោយចីរភាព៕

បកប្រែដោយ Huyen Trang