លោកប្រធានរដ្ឋសភា Tran Thanh Man មានជំនួបជាមួយអតីតប្រធានរដ្ឋសភាកម្ពុជា

នៅក្នុងជំនួប លោកប្រធានរដ្ឋសភា Tran Thanh Man បានជម្រាបជូនសម្តេចអគ្គមហាពញាចក្រី ហេង សំរិន អំពីលទ្ធផលនៃកិច្ចពិភាក្សាប្រកបដោយជោគជ័យជាមួយសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា ព្រមទាំងឲ្យដឹងថា ប្រធានរដ្ឋសភាទាំងពីរបានអញ្ជើញសម្ពោធដាក់ឱ្យប្រើប្រាស់សំណង់អគាររដ្ឋបាលថ្មីរបស់រដ្ឋសភាកម្ពុជា ជានិមិត្តរូបនៃសាមគ្គីភាព និងមិត្តភាពជាប្រពៃណីរវាងវៀតណាម និងកម្ពុជា ។

លោក Tran Thanh Man និងសម្តេចអគ្គមហាពញាចក្រី ហេង សំរិន

លោកប្រធានរដ្ឋសភា Tran Thanh Man បានថ្លែងអំណរគុណចំពោះមនោសញ្ចេតនាពិសេសរបស់សម្តេចអគ្គមហាពញាចក្រី ហេង សំរិន ចំពោះប្រទេសវៀតណាម ថ្នាក់ដឹកនាំ និងអតីតថ្នាក់ដឹកនាំបក្ស និងរដ្ឋវៀតណាម ព្រមទាំងសម្តែងនូវការជឿជាក់ថា សម្តេចអគ្គមហាពញាចក្រី ហេង សំរិន នឹងបន្តរួមចំណែកយ៉ាងសំខាន់ដល់គណបក្សប្រជាជនកម្ពុជា រដ្ឋសភា និងរណសិរ្សសាមគ្គី អភិវឌ្ឍន៍មាតុភូមិកម្ពុជា ក្នុងការជំរុញ និងអភិវឌ្ឍន៍ទំនាក់ទំនងជាមួយ បក្ស រដ្ឋសភា និងរណសិរ្សមាតុភូមិវៀតណាម។

លោក Tran Thanh Man ជួបពិភាក្សាការងារជាមួយសម្តេចអគ្គមហាពញាចក្រី ហេង សំរិន

សម្តេចអគ្គមហាពញាចក្រី ហេង សំរិន បានឯកភាពជាមួយនឹងការវាយតម្លៃរបស់លោកប្រធានរដ្ឋសភា Tran Thanh Man អំពីទំនាក់ទំនងរវាងប្រទេសទាំងពីរ ព្រមទាំងបញ្ជាក់ថា អគាររដ្ឋបាលថ្មីនៃរដ្ឋសភាកម្ពុជា គឺជានិមិត្តរូបនៃទំនាក់ទំនងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងប្រទេសទាំងពីរ។ សម្តេចអគ្គមហាពញាចក្រី ហេង សំរិន ជឿជាក់ថា មរតកប្រពៃណីដែលត្រូវបានពូនជ្រំដោយថ្នាក់ដឹកនាំនៃប្រទេសទាំងពីរ នឹងត្រូវបញ្ជូនទៅជំនាន់ក្រោយ ដើម្បីថែរក្សា និងលើកតម្កើង ជាពិសេសក្នុងបរិបទនៃស្ថានភាពពិភពលោកដែលកំពុងវិវត្តដែលមិនអាចទាយទុកជាមុនបានដូចសព្វថ្ងៃនេះ។

លោកប្រធានរដ្ឋសភា Tran Thanh Man បានអះអាងថា វៀតណាមជានិច្ចកាលយកចិត្តទុកដាក់យ៉ាងខ្លាំងចំពោះការអប់រំប្រពៃណីសម្រាប់យុវជនជំនាន់ក្រោយ ដើម្បីបន្តថែរក្សា និងអភិវឌ្ឍទំនាក់ទំនងមិត្តភាព និងសាមគ្គីភាពពិសេសនៃប្រទេសទាំងពីរ៕

បកប្រែដោយ Huyen Trang