ជំរុញកិច្ចសហប្រតិបត្តិការផ្នែកច្បាប់ និងយុត្តិធម៌ រវាងវៀតណាម និងកម្ពុជា ឡើងកម្រិតខ្ពស់ថ្មី

នៅក្នុងជំនួប លោក Nguyen Khanh Ngoc បានសម្តែងនូវក្តីរីករាយចំពោះការអភិវឌ្ឍក្នុងកិច្ចសហប្រតិបត្តិការផ្នែកច្បាប់ និងយុត្តិធម៌រវាងប្រទេសទាំងពីរនិយាយរួម និងក្រសួងទាំងពីរនិយាយដោយឡែកក្នុងរយៈពេលថ្មីៗនេះ។ លោកអនុរដ្ឋមន្ត្រីបានវាយតម្លៃខ្ពស់ចំពោះការ​ដែលក្រសួងយុត្តិធម៌កម្ពុជាបានជ្រើសរើសប្រទេសវៀតណាមជាគោលដៅសិក្សាស្វែងយល់ពីបទពិសោធន៍ក្នុងការអភិវឌ្ឍក្របខ័ណ្ឌគោលនយោបាយ និងបទប្បញ្ញត្តិនានានៃច្បាប់ស្តីពីយន្តការដោះស្រាយវិវាទនៅខាងក្រៅតុលាការ។

លោក Nguyen Khanh Ngoc និងលោក យ៉ម ផារ៉ូត (រូប​ថត៖ baophapluat.vn)

បន្ទាប់ពីរយៈពេលជាង ១០ ឆ្នាំ នៃការអនុវត្តអនុស្សារណៈនៃការយោគយល់គ្នារវាងក្រសួងយុត្តិធម៌វៀតណាម និងក្រសួងយុត្តិធម៌កម្ពុជា (ចាប់តាំងពីខែធ្នូ ឆ្នាំ២០០៩) ភាគីទាំងពីរបានសម្របសម្រួលអនុវត្តសកម្មភាពសហប្រតិបត្តិការជាច្រើនដូចជា៖ ការផ្លាស់ប្តូរគណៈប្រតិភូមួយចំនួននៅកម្រិតក្រសួង កម្រិតអគ្គនាយកដ្ឋាន បានរៀបចំដោយជោគជ័យនូវសន្និសីទតុលាការនៃខេត្តជាប់ព្រំដែនរវាងប្រទេសទាំងពីរចំនួន ២ លើក ពោលគឺលើកទីមួយ​នៅប្រទេសវៀតណាម ក្នុងឆ្នាំ ២០១៧ និងលើកទី២ នៅកម្ពុជាក្នុងឆ្នាំ២០១៩។

ដោយវាយតម្លៃថាសក្ដានុពល និងតម្រូវការសម្រាប់កិច្ចសហប្រតិបត្តិការលើវិស័យច្បាប់ និងតុលាការរវាងប្រទេសទាំងពីរនៅ​មាន​ច្រើន​ណាស់ លោកអនុរដ្ឋមន្ត្រីសង្ឃឹមថា នៅឆ្នាំ ២០២៣ ក្រសួងយុត្តិធម៌នៃប្រទេសទាំងពីរនឹងបន្តសម្របសម្រួល និងអនុវត្តប្រកបដោយប្រសិទ្ធភាពនូវឯកសារដែលបានចុះហត្ថលេខា រួមទាំងកិច្ចព្រមព្រៀងជំនួយផ្លូវច្បាប់ទៅវិញទៅមកក្នុងកិច្ចការរដ្ឋប្បវេណីរវាងវៀតណាម និងកម្ពុជាក្នុងឆ្នាំ ២០១៣ អនុស្សរណៈនៃការយោគយល់គ្នារវាងក្រសួងយុត្តិធម៌ទាំងពីរ កម្មវិធីកិច្ចសហប្រតិបត្តិការឆ្នាំ២០២២-២០២៣ រវាងក្រសួងទាំងពីរ ជាពិសេសការសម្របសម្រួលរវាងក្រសួងទាំងពីរដើម្បីរៀបចំសន្និសីទតុលាការនៃខេត្តដែលជាប់ព្រំដែនកម្ពុជា-វៀតណាម លើកទី ៣ ក្នុងត្រីមាសទី៣ នៃឆ្នាំនេះ។

ទិដ្ឋភាពនៃជំនួប (រូប​ថត៖ baophapluat.vn)

លោកអនុរដ្ឋមន្ត្រីបានអះអាងថា ក្រសួងយុត្តិធម៌វៀតណាមមានបំណងជំរុញកិច្ចសហប្រតិបត្តិការផ្នែកច្បាប់ និងយុត្តិធម៌រវាងប្រទេសទាំងពីរនិយាយរួម ក៏ដូចជាក្រសួងយុត្តិធម៌នៃប្រទេសទាំងពីរនិយាយដោយឡែក ឲ្យ​​ឡើងកំពស់ថ្មីមួយ​ទៀត។ ភាគីវៀតណាមតែងតែត្រៀមខ្លួនជាស្រេចគាំទ្រ ផ្លាស់ប្តូរ និងចែករំលែកបទពិសោធន៍លើវិស័យច្បាប់ និងតុលាការ ជាមួយកម្ពុជា រួមចំណែកពង្រឹងទំនាក់ទំនង “ភាព​ជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់វិស័យ ស្ថិតស្ថិរយូរអង្វែង” រវាងបក្សទាំងពីរ រដ្ឋទាំងពីរ និងប្រជាជន នៃប្រទេសទាំងពីរ។

ខាងក្រសួងយុត្តិធម៌កម្ពុជា លោក យ៉ែម ផារ៉ុត បានថ្លែងអំណរគុណចំពោះក្រសួងយុត្តិធម៌វៀតណាមនិយាយជារួម និងលោក Nguyen Khanh Ngoc រដ្ឋមន្ត្រីក្រសួងយុត្តិធម៌វៀតណាមនិយាយដោយឡែក ដែលបានចំណាយពេលទទួលជួបគណៈប្រតិភូ។ លោក យ៉ែម ផារ៉ុត ក៏បានសង្កត់ធ្ងន់លើទំនាក់ទំនងមិត្តភាពពិសេសរវាងវៀតណាម និងកម្ពុជា ហើយបានសម្តែងការពេញចិត្តចំពោះការចែករំលែកបទពិសោធន៍ក្នុងការដោះស្រាយវិវាទនៅក្រៅប្រព័ន្ធតុលាការ៕

បកប្រែដោយ Duy Hoan