ថ្នាក់ដឹកនាំកងយោធពលខេមរភូមិន្ទមកសួរសុខទុក្ខ និងអបអរសាទរបុណ្យចូលឆ្នាំថ្មីដល់ថ្នាក់ដឹកនាំខេត្ត Soc Trang និងខេត្ត Gia Lai វៀតណាម

ក្នុងឱកាសដំណើរទស្សនកិច្ចនៅវៀតណាម គណៈប្រតិភូបញ្ជាការដ្ឋានយោធភូមិភាគទី៣ កងយោធពលខេមរភូមិន្ទដឹកនាំដោយលោកឧត្តមសេនីយ៍ឯក យឿង សុខុន មេបញ្ជាការយោធភូមិភាគទី៣ បានមកសួរសុខទុក្ខ និងអបអរសាទរបុណ្យចូលឆ្នាំថ្មីប្រពៃណីវៀតណាមឆ្នាំ២០២០ នៅខេត្ត Soc Trang។

លោកឧត្តមសេនីយ៍ឯក យឿង សុខុន ជូនអំណោយក្នុងឱកាសបុណ្យចូលឆ្នាំថ្មី (រូបថត៖ thoidai.com.vn)

ក្នុងឱកាសនេះដែរ លោកឧត្តមសេនីយ៍ឯក យឿង សុខុន បញ្ជាក់ថា ប្រជាជនកម្ពុជានឹងចងចាំជានិច្ចនូវជំនួយរំដោះប្រទេសកម្ពុជារបស់កងទ័ពស្ម័គ្រចិត្តវៀតណាម។ ក្នុងឱកាសបុណ្យចូលឆ្នាំថ្មីប្រពៃណីវៀតណាមឆ្នាំ២០២០ លោកឧត្តមសេនីយ៍ឯក យឿង សុខុន ជូនពរបក្ខភាគ អាជ្ញាធរដែនដី និងប្រជាជនខេត្ត Soc Trang សូមទទួលជោគជ័យថ្មីជាច្រើននៅឆ្នាំថ្មី។ លោកក៏អញ្ជើញថ្នាក់ដឹកនាំខេត្តទៅទស្សនាបញ្ជាការដ្ឋានយោធភូមិភាគទី៣ ក្នុងឱកាសបុណ្យចូលឆ្នាំថ្មីប្រពៃណីខ្មែរឆ្នាំ ២០២០។

នាថ្ងៃដដែលក្នុងក្របខ័ណ្ឌនៃដំណើរទស្សនកិច្ចនៅវៀតណាម គណៈប្រតិភូជាន់ខ្ពស់របស់បញ្ជាការដ្ឋានយោធភូមិភាគទី៤ កងយោធពលខេមរភូមិន្ទដឹកនាំដោយលោក ឧត្តមសេនីយ៍ទោ សុក រីនណា មេបញ្ជាការរង សេនាធិការនៃយោធភូមិភាគទី៤ បានមកសួរសុខទុក្ខ និងអបអរសាទរបុណ្យចូលឆ្នាំថ្មីដល់គណៈកម្មាធិការបក្សខេត្ត និងគណៈកម្មាធិការប្រជាជនខេត្ត Gia Lai។ លោកឧត្តមសេនីយ៍ទោបានជូនពរថ្នាក់ដឹកនាំខេត្តមានសុខភាពល្អបរិបូរ និងទទួលបានជោគជ័យក្នុងឱកាសបុណ្យចូលឆ្នាំថ្មីប្រពៃណីវៀតណាម។

លោក Duong Van Trang ជូនអំណោយដល់ថ្នាក់ដឹកនាំខេត្តស្ទឹងត្រែង (រូបថត៖ baogialai.com.vn)

ជំនួសមុខថ្នាក់ដឹកនាំខេត្ត Gia Lai លោក Duong Van Trang លេខាធិការនៃគណៈកម្មាធិការបក្សខេត្តបានវាយតម្លៃខ្ពស់ចំពោះជំនួយ និងការគាំទ្ររបស់ប្រជាជនកម្ពុជានិយាយរួម និងបញ្ជាការដ្ឋានយោធភូមិភាគទី៤ កងយោធពលខេមរភូមិន្ទនិយាយដោយឡែក។ លោករំពឹងថា នាពេលអនាគត ទំនាក់ទំនងសាមគ្គីភាពនិងមិត្តភាពរវាងប្រទេសទាំងពីរ និងកងទ័ពរបស់ប្រទេសទាំងពីរកាន់តែ ជិតស្និទ្ធ និងរួមគ្នាសហប្រតិបត្តិការដើម្បីការអភិវឌ្ឍនៃប្រទេសទាំងពីរ៕

បកប្រែដោយ Thuy Anh