វៀតណាម-អង់គ្លេសបន្តសហប្រតិបត្តិការប្រកបដោយប្រសិទ្ធភាពក្នុងការទប់ស្កាត់ ប្រយុទ្ធប្រឆាំងនឹងការជួញដូរមនុស្ស

នៅក្នុងជំនួបនេះ លោកឧត្តមសេនីយ៍ឯក Hoang Xuan Chien បានជម្រាបជូនលោក Simon Ridley អំពីភាពស្មុគស្មាញនៃឧក្រិដ្ឋកម្មជួញដូរមនុស្ស ព្រមទាំង អះអាងថា វៀតណាមចាត់ទុកការទប់ស្កាត់ ប្រយុទ្ធប្រឆាំងនឹងការជួញដូរមនុស្សជាភារកិច្ចសំខាន់ ដើម្បីការពារសិទ្ធិមនុស្សស្របតាមច្បាប់អន្តរជាតិ រួមទាំងអនុសញ្ញាអន្តរជាតិស្តីពីសិទ្ធិមនុស្សដែលវៀតណាមជាសមាជិក និងរក្សាសន្តិសុខ សណ្តាប់ធ្នាប់សង្គមស្របតាមច្បាប់។ លោកឧត្តមសេនីយ៍ឯក Hoang Xuan Chien សង្ឃឹមថា នាពេលខាងមុខ ភាគីទាំងពីរនឹងបន្តសហការ និងអនុវត្តប្រកបដោយប្រសិទ្ធភាពនូវកិច្ចព្រមព្រៀងសហប្រតិបត្តិការលើវិស័យទប់ស្កាត់ ប្រយុទ្ធប្រឆាំងនឹងការជួញដូរមនុស្ស។

លោកឧត្តមសេនីយ៍ឯក Hoang Xuan Chien ទទួលជួបលោក Simon Ridley

លោក Simon Ridley បានអះអាងថា វៀតណាមជាដៃគូសំខាន់មួយរបស់ចក្រភពអង់គ្លេសក្នុងវិស័យទប់ស្កាត់ ប្រយុទ្ធប្រឆាំងនឹងការជួញដូរមនុស្ស ក្នុងនោះ កិច្ចសហប្រតិបត្តិការក្នុងការផ្លាស់ប្តូរបទពិសោធន៍គឺជាខ្លឹមសារសំខាន់មួយ ដែលចក្រភពអង់គ្លេសចង់ជម្រុញ។ លោក Simon Ridley បានអះអាងថា នឹងខិតខំប្រឹងប្រែងបន្ថែមទៀត ដើម្បីជំរុញកិច្ចសហប្រតិបត្តិការជាមួយវៀតណាមក្នុងការទប់ស្កាត់ ប្រយុទ្ធប្រឆាំងនឹងការជួញដូរមនុស្ស តាមនោះ រួមចំណែកជំរុញទំនាក់ទំនងសហប្រតិបត្តិការរវាងវៀតណាម និងចក្រភពអង់គ្លេសនិយាយរួម និងរវាងក្រសួងការពារប្រទេសវៀតណាម ជាមួយក្រសួងមហាផ្ទៃអង់គ្លេសនិយាយដោយឡែកឲ្យកាន់តែអភិវឌ្ឍ និងមានប្រសិទ្ធភាព៕

បកប្រែដោយ Thuy Anh