ក្រុមវិស្វកម្មលេខ៣ បានប្រារព្ធទិវាគ្រូបង្រៀនវៀតណាមនៅតំបន់ Abyei

ទិដ្ឋភាពនៃពិធីជួបសំណេះសំណាលអបអរសាទរកម្មាភិបាលបុគ្គលិកកងពេទ្យកម្រិត១

អញ្ជើញចូលរួមមានលោកវរសេនីយ៍ឯក វេជ្ជបណ្ឌិត Ajay Raj Bhandari ប្រធានផ្នែកពេទ្យយោធានៃបេសកកម្ម លោក Abyei Rou Manyiel រដ្ឋមន្ត្រីក្រសួងសុខាភិបាល លោក Biong Niok អគ្គនាយកសុខាភិបាលរដ្ឋាភិបាល Abyei និងតំណាងកងពេទ្យកម្រិត២ Ghana។

ប្រតិភូដែលចូលរួមពិធីជួបសំណេះសំណាលអបអរសាទរបុគ្គលិកពេទ្យកម្រិត១

ថ្លែងមតិក្នុងជំនួបនេះ លោកវរសេនីយ៍ទោ Pham Van Hao ប្រធានក្រុមវិស្វកម្មលេខ ៣ មេបញ្ជាការកងកំលាំងរក្សាសន្តិភាពវៀតណាមនៅបេសកកម្ម UNISFA បានអះអាងថា៖ ក្នុងរយៈពេលកន្លងមក  បុគ្គលិកនៃកងពេទ្យកម្រិត១ តែងតែរួបរួមជំនះការលំបាក ផ្តល់យោបល់ភ្លាមៗជូនគណៈកម្មាធិការបក្ស និងគណៈបញ្ជាការនៃក្រុម ធ្វើបានល្អការងារធានាផ្នែកពេទ្យយោធា សម្អាតបរិស្ថាន និងការថែទាំសុខភាពកងទ័ព ប្រយុទ្ធប្រឆាំងនឹងជំងឺរាតត្បាត ក៏ដូចជាការបញ្ចប់រាល់ប្រតិបត្តិការទូទៅរបស់អង្គភាព។ កងពេទ្យកម្រិត១ ក៏ចូលរួមយ៉ាងសកម្មក្នុងសកម្មភាពកិច្ចការបរទេស ជួយប្រជាជនក្នុងតំបន់ រួមចំណែកផ្សព្វផ្សាយរូបភាពដ៏ល្អរបស់កងទ័ពមួកខៀវវៀតណាម និងគ្រូពេទ្យយោធាវៀតណាមនៅ Abyei។

បុគ្គលិកពេទ្យនៃកងពេទ្យកម្រិត១ ពិនិត្យ និងព្យាបាលប្រជាជន Abyei

យោធិននារីនៃកងពេទ្យកម្រិត១

លោក Rou Manyiel រដ្ឋមន្ត្រីក្រសួងសុខាភិបាល Abyei  បានសម្តែងការដឹងគុណ និងអរគុណចំពោះជំនួយរបស់ក្រុមវិស្វកម្មវៀតណាម និងកងពេទ្យកម្រិត១។ លោកបានសង្កត់ធ្ងន់ថា៖ «យើងរាប់មិនអស់ជំនួយរបស់អ្នកជូនចំពោះប្រជាជនរបស់យើង។ អ្នកមិនត្រឹមតែបានផ្តល់ថ្នាំពេទ្យដល់មន្ទីរពេទ្យ Abyei ប៉ុណ្ណោះទេ ថែមទាំងបានជួយដល់ពួកយើងក្នុងការជួសជុលផ្លូវផងដែរ ដូចជាផ្លូវពីមន្ទីរពេទ្យឆ្លងដែនទៅមន្ទីរពេទ្យ Abyei ជាដើម។ នេះជាផ្លូវសំខាន់សម្រាប់យើងក្នុងការដឹកជញ្ជូនអ្នកជំងឺ»៕

បកប្រែដោយ Duy Hoan