នាយកដ្ឋានរក្សាសន្តិភាពវៀតណាមរៀបចំវគ្គហ្វឹកហ្វឺនជំនាញសម្រាប់កងវិស្វកម្មលេខ៤ និងកងពេទ្យកម្រិត២ លេខ៧

យោងតាមលោកវរសេនីយ៍ឯក Nguyen Ba Hung អនុប្រធាននាយកដ្ឋានរក្សាសន្តិភាពវៀតណាម វគ្គហ្វឹកហ្វឺននេះផ្តោតលើផ្នែកសំខាន់ៗចំនួនបី៖ ការហ្វឹកហ្វឺនជំនាញការពារកម្លាំងសម្រាប់អង្គភាពការពារនៃកងវិស្វកម្មលេខ៤ (រួមទាំងបច្ចេកទេស និងយុទ្ធវិធី); ការហ្វឹកហ្វឺនជំនាញក្នុងវិស័យបញ្ជូនសារសម្រាប់អង្គភាពបញ្ជូនសារនៃកងវិស្វកម្មលេខ៤ និងកងពេទ្យកម្រិត២ លេខ៧; ការហ្វឹកហ្វឺនជំនាញសម្រាប់អង្គភាពធានានៃកងវិស្វកម្មលេខ៤ និងនាយកដ្ឋានធានា កងពេទ្យកម្រិត២ លេខ៧  (រួមទាំងទ្រឹស្តី និងការអនុវត្ត)។

ទិដ្ឋភាពនៃពិធីបើកវគ្គហ្វឹកហ្វឺន

ចូលរួមបង្រៀនសម្រាប់សិក្ខាកាមចំនួន ៩៣ នាក់ មានកម្មាភិបាលដែលមានជំនាញ និងគ្រូបង្រៀនឯកទេសដែលមានចំណេះដឹង និងបទពិសោធន៍ពីវិទ្យាស្ថានភស្តុភារ សាលានាយទាហានទ័ពពិសេស កងឯកភាពបញ្ជូនសារ និងនាយកដ្ឋានរក្សាសន្តិភាពវៀតណាម។

តំណាងនាយកដ្ឋានរក្សាសន្តិភាពវៀតណាម និងប្រតិភូ ថតរូបទុកជាអនុស្សាវរីយ៍ជាមួយគ្រូបង្រៀន និងសិក្ខាកាមដែលចូលរួមក្នុងវគ្គហ្វឹកហ្វឺន

លោកវរសេនីយ៍ឯក Nguyen Ba Hung បានស្នើថា ក្រៅពីការទទួលបានចំណេះដឹងក្នុងថ្នាក់រៀន សិក្ខាកាមត្រូវស្រាវជ្រាវ និងស្វែងយល់យ៉ាងសកម្មអំពីវប្បធម៌ បរិស្ថាន និងប្រតិបត្តិការរក្សាសន្តិភាពរបស់អង្គការសហប្រជាជាតិ; អនុវត្តយ៉ាងម៉ឺងម៉ាត់នូវវិន័យ ធានាសន្តិសុខ និងសុវត្ថិភាពក្នុងវគ្គហ្វឹកហ្វឺន៕

បកប្រែដោយ Huyen Trang