ពង្រឹងកិច្ចសហប្រតិបត្តិការរវាងកងឆ្មាំសមុទ្រវៀតណាម និងហ្វីលីពីន

នារសៀលថ្ងៃទី ៣១ ខែកក្កដា នាវាលេខ ៨០០២ (កងនាវាលេខ ២១ តំបន់កងឆ្មាំសមុទ្រលេខ ២) បានចាកចេញពីកំពង់ផែ បញ្ជូនគណៈប្រតិភូកងឆ្មាំសមុទ្រដឹកនាំដោយលោកវរសេនីយ៍ឯកបំរុង Hoang Quoc Dat មេបញ្ជាការរងតំបន់កងឆ្មាំសមុទ្រលេខ២ អញ្ជើញទៅបំពេញទស្សនកិច្ចការងារ និងផ្លាស់ប្តូរជាមួយកងកម្លាំងការពារឆ្នេរសមុទ្រហ្វីលីពីន និងរួមផ្សំជាមួយការហ្វឹកហ្វឺនរុករក ជួយសង្គ្រោះ បង្ការ និងពន្លត់អគ្គីភ័យ និងការផ្ទុះនៅសមុទ្រ ។

ថ្នាក់​ដឹក​នាំបញ្ជាការដ្ឋាន​ និង​កម្មាភិបាលតំបន់​កងឆ្មាំសមុទ្រលេខ​ ២ ជូន​ដំណើរក្រុម​ការងារ

តាមការគ្រោងទុក គណៈប្រតិភូកងឆ្មាំសមុទ្រវៀតណាម នឹងចូលជួបសម្តែងការគួរសមជាមួយថ្នាក់ដឹកនាំកងកម្លាំងការពារឆ្នេរសមុទ្រហ្វីលីពីន ចូលរួមប្រកួតកីឡា និងទៅទស្សនារមណីដ្ឋានវប្បធម៌មួយចំនួននៅរដ្ឋធានីម៉ានីល។ ដំណើរបំពេញការងារនេះបានរួមចំណែកពង្រឹងទំនាក់ទំនងមិត្តភាព ការយល់ដឹង និងការជឿទុកចិត្តគ្នាទៅវិញទៅមករវាងកងឆ្មាំសមុទ្រវៀតណាម និងកម្លាំងការពារឆ្នេរសមុទ្រហ្វីលីពីន។

នេះក៏ជាឱកាសសម្រាប់កម្មាភិបាល យុទ្ធជនវៀតណាម និងកម្លាំងការពារឆ្នេរសមុទ្រហ្វីលីពីនផ្លាស់ប្តូរ សិក្សា ចែករំលែកបទពិសោធន៍ក្នុងការអនុវត្តភារកិច្ច និងសម្របសម្រួលអនុវត្តការរុករក ជួយសង្គ្រោះ បង្ការ និងពន្លត់អគ្គីភ័យ និងការផ្ទុះនៅសមុទ្រ រួមចំណែកកែលម្អសមត្ថភាពគ្រប់គ្រងមធ្យោយបាយ ឧបករណ៍បច្ចេកទេស និងបទពិសោធន៍ជាក់ស្តែងសម្រាប់កម្មាភិបាល យុទ្ធជន​៕

បកប្រែដោយ Duy Hoan